چیئرمین دبئی سپورٹس کونسل شیخ منصور نے بھی پاک بھارت میچ سٹیڈیم میں بیٹھ کر دیکھا

چیئرمین دبئی سپورٹس کونسل شیخ منصور نے بھی پاک بھارت میچ سٹیڈیم میں بیٹھ کر ...
چیئرمین دبئی سپورٹس کونسل شیخ منصور نے بھی پاک بھارت میچ سٹیڈیم میں بیٹھ کر دیکھا

  

دبئی ( ڈیلی پاکستان آن لائن) دبئی سپورٹس کونسل (ڈی ایس سی) کے چیئرمین شیخ منصور بن محمد بن راشد المکتوم نے ٹی 20 ورلڈ کپ  میں پاکستان اور بھارت کا میچ دبئی انٹر نیشنل سٹیڈیم میں بیٹھ کر دیکھا۔

شیخ منصور بن محمد بن راشد المکتوم نے سماجی رابطے کی ویب سائٹ ٹویٹر پر اپنے پیغام میں کہا کہ دبئی سپورٹس سٹی سٹیڈیم میں  20 ہزار کرکٹ شائقین کے ساتھ بیٹھنے پر خوشی ہوئی ، پہلی بار مشرق وسطیٰ میں آئی سی سی ٹی 20 ورلڈ کپ میں پاکستان اور بھارت کا میچ منعقد ہوا ، ایک بار پھر دبئی نے کہ عالمی کھیلوں اور بڑے پیمانے پر ایونٹس کی میزبانی رکھنے کی صلاحیت کو ثابت کردیا۔

شیخ منصور بن محمد بن راشد المکتوم کے علاوہ شیخ نہیان بن مبارک اور امارات کرکٹ بورڈ کے چیئرمین مطیع الطائر ، ڈی ایس سی کے ڈپٹی چیئرمین ،اعلیٰ حکام  اور سفارتکار موجود تھے ۔ 

مزید :

بین الاقوامی -T20 World cup -T20 World cup News Updates -