اپیل کروں گا نواز شریف ملک بچاﺅکسی کے ہاتھ میں نہ آﺅ ، خورشید شاہ

سکھر(آئی این پی )پاکستان پیپلز پارٹی کے رہنما خورشید شاہ کا کہنا ہے کہ اپیل کروں گا نواز شریف ملک بچاﺅکسی کے ہاتھ میں نہ آﺅ۔ نواز شریف کی 4سالہ خود ساختہ جلاوطنی کے بعد وطن واپسی سے متعلق سکھر میں میڈیا سے گفتگو کرتے ہوئے خورشید شاہ کا کہنا تھا کہ اپیل کروں گا نواز شریف ملک بچاﺅکسی کے ہاتھ میں نہ آﺅ۔ انہوں نے کہا کہ ہمارا واضح موقف تھاکہ الیکشن نواز شریف کے لیے روکا ہے، انہیں اعلان کرنا چاہیے کہ میں آگیا ہوں، اب الیکشن ہوں گے، نواز شریف غلط راستے سے آئے تو یہ بھی تاریخ کی ایک مثال بن جائیں گے۔ خورشید شاہ نے سوال اٹھا یا کہ پی پی جب بھی آئی ہے اپنا منشور لے کر آئی ہے، جن لوگوں نے اپنی سیاست کی وجہ سے ریاستی اداروں کو جلایا یا جلوایا، کیا ہماری سویلین عدالتیں ان لوگوں کو سزا دینے کے قابل ہوں گی، یا نظر انداز کر جائیں گی،مگر سپریم کورٹ کافیصلہ فائنل ہے۔

 خورشید شاہ