ٹی 20 ورلڈ کپ،پاکستان آج بنگلہ دیش کو شکست دینے کیلئے فیورٹ
ٹی ٹونٹی ورلڈ کپ میں آج پاکستان اور بنگلہ دیش کی کرکٹ ٹیمیں مدمقابل ہورہی ہیں یہ میچ پاکستان کے لئے اتنا زیادہ اہمیت کاحامل نہیں ہے جتنا کہ بنگلہ دیش کی کرکٹ ٹیم کے لئے ہے کیونکہ پاکستان کی ٹیم سپر ایٹ مرحلے تک پہنچ چکی ہے اور بنگلہ دیش کو اس مرحلے تک رسائی کے لئے آج پاکستان کو ایک بہت بڑے مارجن سے شکست دینے کی ضرورت ہے جو شائد ناممکن ہے بنگلہ دیش کو اگر اگلے مرحلے تک جانا ہے تو اس کو آج پاکستان کو کم از کم 36 رنز سے شکست دینا ہوگی اور اس موقع پر کم از کم پانچ اوورز باقی بھی ہونے چاہئیے بظاہر تو بنگلہ دیش کے لئے یہ ایک بہت بڑا چیلنج ہے پاکستان اور بنگلہ دیش کی ٹیمیں اب تک جتنی مرتبہ بھی ٹی ٹونٹی میں ایک دوسرے کے مدمقابل آئیں ہیں پاکستان نے ہی کامیابی اپنے نام کی ہے اور آج کے میچ میں بھی پاکستان کی ٹیم جیت کے لئے فیورٹ ہے لیکن اس کے باوجود بنگلہ دیش کی ٹیم پاکستان کو ٹف ٹائم دے سکتا ہے لیکن پھر بھی جیت پاکستان کی ہی ہوگی نیوز ی لینڈ کے خلاف پاکستان کی جیت نے کھلاڑیوں کے حوصلے بہت بلند کئے ہوئے ہیں او ر اس کا اس کو بہت فائدہ بھی ملے گا جبکہ سعید اجمل آج بنگلہ دیش کے خلاف بھی پاکستان کی طرف سے سب سے زیادہ خطرناک باﺅلر ثابت ہوں گے پاکستانی کرکٹ ٹیم کے کپتان محمد حفیظ نے اس میچ کے لئے یقینی طور پر بہترین حکمت عملی طے کی ہوگی نیوزی لینڈ کے خلاف میچ میں پاکستانی ٹیم نے بہت اچھا کھیل پیش کیا امید ہے کہ آج کے میچ میں بھی اس کو برقرار رکھا جائے گا پاکستان کی ٹیم میں اس وقت بہترین باﺅلرز اور بیٹسمین موجود ہیں جبکہ بنگلہ دیش کی ٹیم زیادہ تر بیٹنگ پر ہی انحصار کرے گی بنگلہ دیشی کھلاڑیوں کے پاس ٹی ٹونٹی میچوں کا تجربہ بھی نہیں ہے آج پوری قوم پاکستان کو ایونٹ میں دوسری کامیابی حاصل کرتے دیکھے گی۔