اظہر علی اور سرفراز احمد سمیت 4 کھلاڑیوں نے فریضہ حج ادا کرلیا
اسلام آباد (این این آئی)قومی ون ڈے کرکٹ ٹیم کے کپتان اظہر علی اور نائب کپتان سرفراز احمد سمیت 4 کھلاڑیوں نے فریضہ حج ادا کرلیا۔ قومی کرکٹ ٹیم کے کپتان اظہر علی، نائب کپتان سرفراز احمد، اسد شفیق اور سعید اجمل نے رواں سال فریضہ حج کی سعادت حاصل کر لی ہے۔ مقدس فریضے کی ادائیگی کے بعد اظہر علی، سرفراز احمد اور اسد شفیق دبئی سے زمبابوے جائیں گے جہاں وہ زمبابوے کے خلاف ون ڈے میچز کی سیریز میں حصہ لیں گے۔ پاکستان اور زمبابوے کے درمیان ون ڈے سیریز کا آغاز یکم اکتوبر سے ہو گا، اس کے بعد دونوں ٹیموں کے درمیان سیریز کا دوسرا میچ 3 جبکہ تیسرا اور آخری میچ 5 اکتوبر کو کھیلا جائے گا۔
