کد تکر بے پھلے موسم اپنی خیر مناون گے | حسن رضوی |

کد تکر بے پھلے موسم اپنی خیر مناون گے
اک دن دیکھنا شاخاں اُتے رتے پھل ای آون گے

جد وی تخت ہزاریوں رانجھا بھیس وٹا کے آوے
کھیڑیاں دے فیر اُچے شملے پیراں وچ رُل جاون گے

اک دیہاڑے تھاں تھاں اُتے پیار دے میلے لگن گے

لوکی کھیتاں ، کھلیاناں وچ ڈھولے ماہیے گاون گے

 اسیں تھلاں دے واسی جینوں عمراں تیک اُڈیکدے رہے

کیہہ معلوم سی اوہی بدل دریا ول ٹر جاون گے

حسن میں کملے لوکاں کولوں ایہناں ای پچھدا ہاں
کد تکر اوہ پھلاں اُتے اگ تیر چلاون گے

شاعر: حسن رضوی

(شعری مجموعہ:ہجر دی پہلی شام؛ سالِ اشاعت،1986)

Kad   Tikar   Be    Phullay    Maosam    Apni    Khiar     Manaawan   Gay

Ik   Din    Wekhna    Shakhaan    Utay    Rattay    Phul    E   Aawan    Gay

Jad    Vi    Takht    Hazaaiun    Ranjha    Bhais    Watta    K    Aaway

Khiarriyaan    Day     Fair    Uchay   Shimlay    Pairaan   Vich     Rull    Jaawan   Gay

Ik    Dihaarray    Thaan    Thaan    Utay    Piyaar    Day    Mailay    Lagan   Gay

Loki    Kkhaitaan    Khalyaana   Vich    Dholay    Maahiay    Gaawan   Gay

Aseen    Thalaan    Day    Waasi    Jinhnun     Umraan    Teek     Udeekday   Rahay

Kee    Maloom    Si    Ohi    Badal    Darya    Wall    Tur    Jaawan    Gay

HASAN    Main    Kamlay     Lokaan     Kolun   Ainaan    E     Aj   Puchda    Haan

Kad    Tikar    Oh    Phullaan    Utay    Agg    Day    Teer    Chalaawan    Gay

Poet: Hasan   Rizvi