سیوریج سسٹم کی صفائی کے دوران انسان سے 3 گنا بڑا مصنوعی چوہا مل گیا

سیوریج سسٹم کی صفائی کے دوران انسان سے 3 گنا بڑا مصنوعی چوہا مل گیا
سیوریج سسٹم کی صفائی کے دوران انسان سے 3 گنا بڑا مصنوعی چوہا مل گیا

  

میکسیکو سٹی (ڈیلی پاکستان آن لائن) شمالی امریکہ کے ملک میکسیکو کے دارالحکومت میکسیکو سٹی میں سینٹری ورکرز کی اس وقت آنکھیں چار ہوگئیں جب انہیں سیوریج سسٹم سے انسان سے بھی 3 گنا بڑا مصنوعی چوہا مل گیا۔

ٹائمز ناؤ کے مطابق صفائی کا عملہ میکسیکو سٹی کے سیوریج سسٹم سے ملنے والا 22 ٹن کچرا ہٹا رہا تھا کہ انہیں دیوقامت چوہا نظر آیا۔ پہلے تو سب لوگ ڈر گئے لیکن جب کچھ نے ہمت کرکے قریب سے دیکھا تو پتہ چلا کہ یہ ایک مصنوعی چوہا ہے جو ہالووین کیلئے بنایا گیا تھا۔

دیو قامت چوہے کی خبر سامنے آنے کے بعد ایولین لوپیز نامی خاتون نے کہا ہے کہ کچھ سال پہلے اس نے یہ چوہا ہالووین کیلئے بنایا تھا۔ یہ ایک ویئر ہاؤس میں پڑا ہوا تھا لیکن شہر میں شدید بارشوں کی وجہ سے یہ بہہ کر سیوریج سسٹم میں پہنچ گیا۔

مزید :

ڈیلی بائیٹس -