سول ایوی ایشن اتھارٹی کا نیا سفری ہدایت نامہ جاری

  سول ایوی ایشن اتھارٹی کا نیا سفری ہدایت نامہ جاری

  

کراچی(اسٹاف رپورٹر)سول ایوی ایشن اتھارٹی نے نیا سفری ہدایت نامہ جاری کردیا ہے۔سول ایوی ایشن کے ڈائریکٹر ایئر ٹرانسپورٹ نے نوٹیفکیشن جاری کیا ہے۔ سول ایوی ایشن کی جانب سے جاری نوٹیفکیشن میں بتایا گیا ہے کہ کیٹگری سی ممالک سے آنے والے مسافروں پر پابندی برقرار رہے گی۔ سی کیٹگری ممالک کے مسافروں کو پاکستان آمد کے لیے خصوصی اجازت نامہ درکار ہوگا۔نوٹیفکیشن میں یہ بھی بتایا گیا ہے کہ عارضی سفری پابندیوں میں 31 اکتوبر2021 تک توسیع کردی ہے۔ کیٹگری سی میں ایران، عراق، ایتھوپیا،تھائی لینڈ،جنوبی افریقہ سمیت 12ممالک شامل ہیں۔ کیٹگری اے اور بی سے پاکستان آنے والے مسافروں کو 72 گھنٹے قبل کروونا ٹیسٹ کروانا ہو گا۔نوٹیفکیشن میں واضح کیا گیا ہے کہ مسافروں کو پاکستان پہنچے پر قرنطینہ کی شرط پر بھی عمل کرنا ہوگا۔

مزید :

پشاورصفحہ آخر -