بابر اعظم اور محمد رضوان نے ایک اور اعزاز اپنے نام کرلیا
کراچی(ڈیلی پاکستان آن لائن)پاکستانی اوپنرز بابر اعظم اور محمد رضوان نے ایک اور اعزاز اپنے نام کرلیا۔
جیو نیوز کے مطابق بابر اور رضوان ٹی ٹوئنٹی انٹرنیشنلز میں 2 ہزار پارٹنرشپ رنز بنانے والی پہلی جوڑی بن گئی ہے۔پاکستانی اوپننگ پیئر نے یہ کارنامہ انگلینڈ کے خلاف چوتھے ٹی ٹوئنٹی میں انجام دیا۔ بابر اور رضوان کے درمیان اب تک 2043 رنز شراکت میں بن چکے ہیں، دونوں کے درمیان ففٹی یا اس سے زائد شراکتیں 14 مرتبہ بنی ہیں۔واضح رہے اس سے قبل بابراعظم اور محمد رضوان نے ٹی ٹوئنٹی اوپننگ پارٹنر شپ میں روہت شرما اور شکھر دھون کو پیچھے چھوڑا تھا۔
