علی ظفر نے آئی سی سی ورلڈ کپ کا ترانہ بنانے کا اعلان کردیا‘ شائقین کو آئیڈیاز دینے کی تجویز
کراچی (آئی این پی) معروف گلوکار علی ظفر نے آئی سی سی کی جانب سے جاری کیے گئے کرکٹ ورلڈ کپ 2023 کے ترانے پر شائقین کرکٹ کے ردعمل کے بعد ورلڈ کپ کا ترانہ بنانے کا اعلان کردیا۔
گزشتہ دنوں آئی سی سی کے سوشل میڈیا اکاﺅنٹس پر ریلیز ہونے والے خصوصی ترانے دل جشن بولے میں بالی ووڈ کے سپر اسٹار رنویر سنگھ نے پرفارم کیا ہے ۔ شائقین کرکٹ اور سوشل میڈیا صارفین نے ورلڈ کپ کے آفیشل ترانے کو مایوس کن قرار دیتے ہوئے تنقید کا نشانہ بنایا تھا جبکہ پاکستانی شائقین نے تو گلوکار علی ظفر سے آئی سی سی کا ترانہ بنانے کی فرمائش کردی ہے۔
مداحوں کے کہنے پر اب علی ظفر نے سوشل میڈیا پر اپنا ایک خصوصی ویڈیو پیغام جاری کیا ہے جس میں انہوں نے آئی سی سی ورلڈ کپ کا ترانہ بنانے کا اعلان کیا ہے۔
Hello all,
— Ali Zafar (@AliZafarsays) September 24, 2023
Firstly thank you for the love and faith.
Keeping in mind your thoughts and wishes for the World Cup cricket anthem, I have an idea on how we can create a masterpiece together. Check out the link below.
It's an exciting experiment that can work wonders if done… pic.twitter.com/HqLyJxdSEE
گلوکار نے اپنے مداحوں کو خوشخبری سناتے ہوئے کہا کہ میرے پاس ایک آئیڈیا ہے جس کے تحت میں آپ سب کے ساتھ ملکر ایک ترانہ تیار کرسکتا ہوں۔
علی ظر نے کہا کہ جن لوگوں کو موسیقی میں دلچسپی ہے، پھر چاہے وہ کوئی دھن بنانا ہو، گانے کے بول لکھنا ہو، گلوکاری کرنا ہو یا آئیڈیاز دینا ہو، وہ میرا ساتھ دیں۔ گلوکار نے یہ بھی کہا کہ آپ اپنے آئیڈیاز، اپنی دھن اور گانے کے بول لکھ کر مجھے سوشل میڈیا پر ٹیگ کرکے شیئر کریں۔
