سابق وزیرخزانہ اسحاق ڈار کا وطن واپسی کا اعلان
لندن (ڈیلی پاکستان آن لائن) مسلم لیگ ن کے مرکزی رہنما و سابق وفاقی وزیر خزانہ اسحاق ڈار کا کہنا ہے کہ نواز شریف کی واپسی کے حوالے سے مشاورت مکمل کر لی گئی ہے، وہ بدھ کو واپس پاکستان جا رہے ہیں۔
لندن میں گفتگو کرتے ہوئے ان کا کہنا تھا کہ ن لیگ کا بیانیہ بڑا واضح ہے، پاکستان کو واپس 24 ویں معیشت بنانا ہے، اگر عوام نے موقع دیا تو نواز شریف کی قیادت میں پاکستان واپس ترقی کرے گا۔
اسحاق ڈار نے کہا کہ پی ڈی ایم کی حکومت سنبھالنے سے پہلے پاکستان کا ڈیفالٹ ہونے کا خطرہ سو فیصد تھا۔بین الاقوامی اور کچھ اندرونی قوتیں پاکستان کو سری لنکا بنانا چاہتی تھیں لیکن ہماری جنگ پاکستان کو بچانا تھا۔
