لاہور (نامہ نگار خصوصی) سیشن کورٹ لاہور نے پب جی گیم کھیلتے والدہ، بھائی اور 2 بہنوں کو قتل کرنے کا مقدمے میں علی زین کو 100 سال قید کی سزا سنا دی. اڈیشنل سیشن جج ریاض احمد نے قتل کے مقدمے کا فیصلہ سنایا. عدالت نے جرم ثابت ہونے پر ملزم کو سو سال قید اور چالیس لاکھ روپے جرمانے کی سزا سنائی. عدالت نے قرار دیا کہ ملزم علی زین نے والدہ، بہن اور بھائیوں کو قتل کیا اور ملزم کی عمر کی وجہ سے اسے 4 بار عمر قید کی سزا دی جا رہی ہے. تھانہ کاہنہ پولیس نے 2022 میں مقدمہ درج کیا تھا. عدالت میں حبیب الرحمٰن پراسیکیوٹر نے گواہوں کو پیش کیا. مقدمے کے مطابق ملزم نے رات کے دو بجے گیم سے متاثر ہو کر گھر والوں پر فائرنگ کردی تھی.
سو سال قید