گوگل نے پاکستان میں اے آئی پلس پلان متعارف کرا دیا

 اسلام آ باد(آئی این پی) گوگل نے پاکستان میں گوگل اے آئی پلس پلان متعارف کرانے کا اعلان کیا ہے۔ گوگل کا نیا پلان صارفین کو گوگل اے آئی کے ذریعے مزید کام کرنے کیلئے بااختیار بنانے کی غرض سے ڈیزائن کیا گیا ہے، یہ نیا پلان لوگوں کو اپنی پیداواری اور تخلیقی صلاحیتوں کو بڑھانے میں مدد کرنے کیلئے طاقتور اے آئی ٹولز تک اضافی رسائی فراہم کرتا ہے اور یہ سب نہایت باکفایت قیمت پر دستیاب ہیں۔رپورٹ کے مطاقب گوگل اے آئی پلس پلان کے تحت پاکستان میں صارفین جو فوائد حاصل کر سکتے ہیں ان میں  جیمنائی ایپ میں امیج جنریشن اور ایڈیٹنگ یعنی Nano Bananaکیلئے زیادہ گنجائش، جیمنائی 2.5پرو تک مزید رسائی، جو پیچیدہ سوالات کیلئے گوگل کا سب سے طاقتور اے آئی ماڈل ہے۔ ویڈیو جنریشن ماڈل Veo 3 Fastتک رسائی، جو جیمنائی، Whisk، اور Flow میں دستیاب ہے۔ جی میل، ڈاکس، شیٹس اور دیگر گوگل سروسز میں جیمنائی کا انضمام۔ فوٹوز، ڈرائیو، اور جی میل میں 200جی بی سٹوریج کی سہولت۔اے آئی پلس کے حوالے سے گوگل پاکستان کے کنٹری ڈائریکٹر،فرحان قریشی نے کہا ہے کہ پاکستان کا ڈیجیٹل منظر نامہ تیزی سے ترقی کررہا ہے اور ہمیں پاکستانیوں کی تخلیقی صلاحیتوں نے متاثر کیا ہے جو انہوں نے اے آئی ٹولز کو اپنانے میں دکھائی ہیں۔ گوگل اے آئی پلس کی صورت میں ہم ان ٹولز کو ملک بھر میں زیادہ سے زیادہ لوگوں کیلئے قابل رسائی بنا رہے ہیں۔ اس کے علاوہ، صارفین، اپنے خاندان کے پانچ دیگر افراد کیساتھ بھی،ورک اسپیس میں جیمنائی سے لے کر 200جی بی سٹوریج تک، تمام فوائد شیئر کرسکتے ہیں، اس طرح ہر فرد ایک ہی پلان کے تحت بہتر گوگل کا تجربہ حاصل کرسکتا ہے۔گوگل اے آئی پلس اب پاکستان میں 1400روپے ماہانہ پر دستیاب ہے، محدود مدت کے لیے پہلی مرتبہ سبسکرائب کرانیوالے صارفین کو ابتدائی چھ ماہ کے لیے 50فیصد رعایت دی جائے گی۔

گوگل پلان