اسلام آباد(ڈیلی پاکستان آن لائن)سفارتی پاسپورٹ کے استعمال کے کیس میں سابق وزیراعظم آزاد کشمیر سردار تنویر الیاس پر فرد جرم عائد کردی گئی۔
نجی ٹی وی سما نیوز کے مطابق ڈسٹرکٹ اینڈ سیشن کورٹس میں جوڈیشل مجسٹریٹ احمد شہزاد گوندل نےکیس پر سماعت کی،سابق وزیراعظم آزاد کشمیر سردار تنویر الیاس عدالت میں پیش ہوئے۔
عدالت نےسردار تنویر الیاس پر فرد جرم عائد کردی۔ سردار تنویر الیاس نےصحت جرم سے انکارکردیا،عدالت نے استغاثہ کے گواہان کو طلب کرتے ہوئے کیس کی مزید سماعت چھ اکتوبر تک ملتوی کردی۔