لاہور (ویب ڈیسک) لا نینا، ایک موسمیاتی رجحان جو استوائی بحرالکاہل میں سمندر کی سطح کے درجہ حرارت کو ٹھنڈا کرنے کے لیے جانا جاتا ہے، اس سال واپس آ سکتا ہےاور اس خدشے کے پیش نظرموسمیاتی ماہرین خبردار کیاہے کہ 2025-26 کا موسم سرماحالیہ دہائیوں میں سے سرد ترین ہو سکتا ہے۔
نیوزویب سائٹ پروپاکستانی کے مطابق لا نینا ہوا کی گردش اور جیٹ سٹریم کے رویے کو تبدیل کرتا ہے، جس کے نتیجے میں اکثر سرد موسم، طویل ٹھنڈ کا دورانیہ، اور بہت سے علاقوں میں بھاری برف باری ہوتی ہےاور اس کی رواں سال آمدہوسکتی ہے۔ کئی موسمیاتی ایجنسیوں، بشمول ریاستہائے متحدہ امریکہ کے موسمیاتی پیشن گوئی مرکزنے لا نینا الرٹس جاری کیے ہیں کیونکہ بحر الکاہل کے کچھ حصوں میں سمندری گرمی کے معمول کے پیٹرن میں تبدیلی دیکھی گئی او رٹھنڈک کا اشارہ دے رہے ہیں۔
اگر لا نینا پیشین گوئی کے مطابق آگے بڑھتا ہے تو متعدد ممالک پہلے سردی کی لہروں، زیادہ بار بار ٹھنڈ اور اونچی بلندیوں پر ممکنہ طور پر برف باری کا تجربہ کر سکتے ہیں۔موسمیاتی ماہرین کا تجزیہ ہے کہ آئندہ مہینے اکتوبر سے دسمبر 2025 کے درمیان بحرالکاہل میں ’لا نینا‘ بننے کے 71 فیصد امکانات ہیں، یہ امکان دسمبر 2025 سے فروری 2026 کے درمیان تھوڑی گھٹ کر 54 فیصد ہو سکتی ہے لیکن ’لا نینا‘ واچ موثر ہے۔
ماہرین موسمیات نے نشاندہی کی ہے کہ لا نینا کا ایک کمزور واقعہ بھی درجہ حرارت میں نمایاں کمی کا باعث بن سکتا ہے، جس سے روزمرہ کی زندگی اور مقامی معیشت دونوں متاثر ہوتی ہیں۔
یادرہے کہ ’لا نینا‘ بحرالکاہل کے استوائی حصے میں سمندر سطح کے درجہ حرارت کے ٹھنڈا ہونے کی حالت سے پیدا ہونے والے پیچیدہ موسمیاتی فنامنا کو کہتے ہیں۔ یہ لاطینی زبان کا لفظ ہے جس کے لغت میں معنی "کم عمر بچی" ہیں۔ اس کا اثر پوری دنیا کے موسم پر پڑتا ہے.
اپریل کی ابتدا سے بحرالکاہل کا مخصوص خطہ نارمل کنڈیشن میں، اب سائنسدانوں کو یقین ہے کہ بحرالکاہل کے مخصوص علاقہ میں پانی کی اوپر والی تہہ ٹھنڈی ہو رہی ہے۔ جب یہ تہہ مسلسل کئی ماہ (تین ماہ) تک نصف ڈگری سینٹی گریڈ یا زیادہ ٹھنڈی رہے تو اس سے جنم لینے والے پیچیدہ فنامنا کو لانینا کہتے ہیں۔ اس کے برعکس اگر بحرالکاہل کے اس مخصوص حصے کے پانی کی اوپر والی تہہ نصف ڈگری سینٹی گریڈ یا اس سے زیادہ گرم ہو جائے تو اسے ایل نینو کہتے ہیں۔ ایل نینو اور لانینا پاکستان پر ایک دوسرے کے الٹ اثر ڈالتے ہیں۔