لاہور (ڈیلی پاکستان آن لائن)محکمہ آثار قدیمہ نے برصغیر کے عظیم فاتح شیرشاہ سوری کے بیٹے کی تعمیر کردہ 474 سال پرانی باولی کو بحالی کے بعد سیاحوں کے لیے کھول دیا ہے۔
سیکرٹری آرکیالوجی احسان بھٹہ کا کہنا ہےگجرات کھاریاں میں واقع باولی 1551 میں شیرشاہ سوری کے بیٹے نے تعمیر کرائی تھی، باولی ، اسلام شاہ کے دور میں عبداللہ لاذر کی نگرانی میں مکمل کی گئی تھی، بحالی کے بعد قدیم دور کی یادگار کو خصوصی روشنیوں سے بھی سجایا گیا ہے۔ باولی کی بحالی سے تاریخ کے نقش کو محفوظ بنا لیا گیا ہے۔