سرگودھا جیل میں تہرے قتل کے 2 مجرموں کی پھانسی آخری لمحات میں ٹل گئی
سرگودھا(ڈیلی پاکستان آن لائن)تہرے قتل کے 2 مجرموں کی پھانسی آخری لمحات میں روک دی گئی۔سرگودھا کی جیل میں آج صبح تہرے قتل کے 2 مجرموں خضر اور امجد کی پھانسی آخری لمحات میں روک دی گئی۔ مجسٹریٹ نے دونوں مجرموں کی پھانسی صلح کی کوششوں کی درخواست پر چند روز کےلئے موخر کر دی۔
واضح رہے کہ پھانسی کے دونوں مجرموں خضر اور امجد نے زمین کے تنازعہ پر بھیرہ میں 3 قتل کیے تھے جنہیں آج صبح پھانسی پر لٹکایا جانا تھا۔
