"کعبے کس منہ سے جاؤگے امپورٹڈ" شاہ محمود قریشی کا وزیراعظم اور وفد پر طنز
اسلام آباد(ڈیلی پاکستان آن لائن)پاکستان تحریک انصاف (پی ٹی آئی)کےنائب چیئرمین شاہ محمود قریشی نے وزیراعظم شہباز شریف کے وفد کے ہمراہ عمرے پر جانے کے حوالے سے طنز کیا ہے۔
اپنے ایک ٹویٹ میں انہوں نے لکھا کہ "امپورٹڈ وزیراعظم کے ہمراہ عمرہ پر جانے والوں کی طویل فہرست قابلِ تشویش بات ہے۔ ملک کے معاشی حالات جانتے ہوئے بھی سرکاری خرچے پر عیاشی انکی بے شرمی اور لاپرواہی کی عکاس ہے۔کعبے کس منہ سے جاؤگے امپورٹڈ ،شرم تم کو"۔
خیال رہے کہ وزیراعظم شہباز شریف 28 اپریل کو اتحادی جماعتوں کے سربراہوں کے ہمراہ عمرہ کی ادائیگی کے لیے سعودی عرب جائیں گے ۔
امپورٹڈ وزیراعظم کے ہمراہ عمرہ پر جانے والوں کی طویل فہرست قابلِ تشویش بات ھے۔ ملک کے معاشی حالات جانتے ہوئے بھی سرکاری خرچے پر عیاشی انکی بے شرمی اور لاپرواہی کی عکاس ہے۔
— Shah Mahmood Qureshi (@SMQureshiPTI) April 26, 2022
کعبے کس منہ سے جاؤگے امپورٹڈ
شرم تم کو۔۔۔۔۔۔۔#امپورٹڈ_حکومت_نامنظور
