وزیراعظم کی طرف سے اعتماد کا ووٹ لینے کے فیصلے کی خبروں پر حکومتی مؤقف بھی آگیا، حقیقت سامنے آگئی 

اسلام آباد(مانیٹرنگ ڈیسک) وفاقی وزیراطلاعات و نشریات مریم اورنگ زیب نے کہا ہے کہ وزیراعظم میاں شہباز شریف کی طرف سے اعتماد کا ووٹ لینے کی خبر بے بنیاد ہے۔ ان کی طرف سے ایسا کوئی فیصلہ نہیں کیا گیا، نہ ہی انہوں نے اعتماد کا ووٹ لینے کے حوالے سے حکومتی اتحادی جماعتوں سے کوئی مشاورت کی ہے۔

مریم اورنگ زیب نے اپنے ٹوئٹر اکاﺅنٹ پر ایک ٹویٹ میں بتایا کہ وزیراعظم شہباز شریف کے اعتماد کا ووٹ لینے کی ضرورت بھی نہیں ہے۔ عوام، پارٹی، اتحادی جماعتوں کے متفقہ امیدوار شہباز شریف 11اپریل 2022ءکو قومی اسمبلی کے قائد ایوان کا ووٹ لے چکے ہیں۔ میڈیا بغیر تصدیق وزیراعظم سے متعلق خبریں نہ چلائے۔

سرکاری یونیورسٹیز بھی مالی مشکلات کا شکار ہو گئیں ،چیئرمین ایچ ای سی بول پڑے