امریکہ، ایک اور سیاہ فام شہری پر پولیس کی فائرنگ، مظاہروں کا سلسلہ پھر شروع، حالات کشیدہ
وسکونسن(آئی این پی) امریکی ریاست وسکونسن میں سیاہ فام شہری پر پولیس کی فائرنگ سے ایک بار پھر مظاہروں کا سلسلہ شروع ہوگیا۔امریکا میں پولیس کے ہاتھوں ایک بار پھر سیاہ فام شہری پر فائرنگ سے حالات کشیدہ ہوگئے ہیں جس کے بعد ریاست وسکونسن میں پرتشدد احتجاجی مظاہروں کا سلسلہ شروع ہوگیا ہے، سیاہ فام شہری جیکب بلیک اتوار کو پولیس فائرنگ سے زخمی ہوگیا تھا تاہم اب اس کی حالت خطرے سے باہر ہے جب کہ پولیس حکام واقعے کی تحقیقات کررہے ہیں۔امریکی نشریاتی ادارے کے مطابق پولیس نے سیاہ فام شہری جیکب بلیک پر اس کے 3 بچوں کے سامنے فائرنگ کی جو گاڑی میں بیٹھے ہوئے تھے، واقعے کیخلاف دوسرے روز بھی احتجاجی مظاہروں کا سلسلہ جاری ہے اور مظاہرین کی جانب سے امریکی پولیس کی کارروائی پر شدید غم و غصے کا اظہار کیا جارہا ہے۔سیاہ فام شہری جیکب بلیک پر فائرنگ کیخلاف احتجاج کے دوران مظاہرین نے متعدد گاڑیوں کو آگ لگادی اور کئی عمارتوں کو بھی نذر آتش کردیا، پولیس کی جانب سے مظاہرین کو منتشر کرنے کیلئے آنسو گیس اور واٹر کیننز کا استعمال کیا جارہا ہے جب کہ مظاہروں پر قابو پانے کیلئے ریاست وسکونسن میں 200 نیشنل گارڈز تعینات کردیے گئے ہیں۔
سیاہ فام شہری