ہجرِ جاناں کی گھڑی اچھی لگی

ہجرِ جاناں کی گھڑی اچھی لگی
ہجرِ جاناں کی گھڑی اچھی لگی

  

ہجرِ جاناں کی گھڑی اچھی لگی

اب کے تنہائی بڑی اچھی لگی

قریۂ جاں پر اداسی کی طرح

دُھند کی چادر پڑی اچھی لگی

ایک تنہا فاختہ اڑتی ہوئی

اک ہرن کی چوکڑی اچھی لگی

زندگی کی گھُپ اندھیری رات میں

یاد کی اک پھُلجھڑی اچھی لگی

شہرِ دل اور اتنے لوگوں کا ہجوم

وہ الگ سب سے کھڑی اچھی لگی

ایک شہزادی مگر دل کی فقیر

اس کو میری جھونپڑی اچھی لگی

دل میں آ بیٹھی غزل سی وہ غزال

یہ تصور کی گھڑی اچھی لگی

تیرا دکھ، اپنی وفا، کارِ جہاں

جو بھی شے مہنگی پڑی، اچھی لگی

آنکھ بھی برسی بہت بادل کے ساتھ

اب کے ساون کی جھَڑی اچھی لگی

یہ غزل مجھ کو پسند آئی فرازؔ

یہ غزل اس کو بڑی اچھی لگی

شاعر : احمد فراز

                                   Hijr  e Jaana Ki Gharri Achi Lagi

                                       Ab K Tanhaaee Barri Achi Lagi

                                       Qarya  e  Jaan Pe Udaasi Ki Trah

                            Dhund Ki Chaadar Parri Achi Lagi

                                               Aik Tanhaa Faakhta Urrti Hui

                                              Ik Hiran Ki Chokrri Achi Lagi

                    Zindagi Ki Ghup Andhairi Raat Men

                                  yaad Ki Aik Phuljharri Achi Lagi

     Shehr  e  Dil Aor Itnay Logon Ka Hujoom

                            Wo Alag Sab Say  Kharri  Achi Lagi

                         Aik Shehzaadi Magar Dil Ki Faqeer

                                   Uss Ko Meri Jhonparri Achi Lagi

     DIl Men Aa Baithi Ghazal Si Wo Ghazaal

                            Yeh Tasawwur Ki Gharii Achi Lagi

              Tera Dukh , Apni Wafa, Kaar   e  Jahaan

                      Jo Bhi Shay Mehngi Parri Achi Lagi

https://dailypakistan.com.pk/20-Sep-2020/1186449

       Aaankh Bhi Barsi Bahut Baadal K Saath

                                 Ab K Saawan Ki Jharri Achi Lagi

Yeh Ghazl Mujh Ko Pasand Aaee FARAZ

                       Yeh Ghazal Uss  Ko Barri Achi Lagi 

                                                                                   Poet: Ahmad Faraz

مزید :

شاعری -رومانوی شاعری -غمگین شاعری -