شاہین آفریدی کپتان بابر کی خواہش پر سکواڈ کیساتھ ہیں: پی سی بی 

لاہور (سپورٹس رپورٹر) پاکستان کرکٹ بورڈ (پی سی بی) نے فاسٹ باؤلر شاہین آفریدی کو سکواڈ کے ہمراہ دبئی لے جانے پر وضاحت دیدی۔ پی سی بی کے ترجمان نے کہا ہے کہ قومی کرکٹ ٹیم کے کپتان بابراعظم چاہتے ہیں کہ شاہین آفریدی ٹیم کے ہمراہ رہیں، میڈیکل ٹیم نے ان کی چوٹ کے حوالے سے گہری نظر رکھی ہوئی ہے۔قومی ٹیم کے فاسٹ بولر شاہین شاہ آفریدی انجری کے سبب ایشیا کپ اور انگلینڈ کے خلاف ہوم سیریز سے باہر ہوگئے ہیں جبکہ ان کی جگہ محمد حسنین کو سکواڈ کا حصہ بنایا گیا ہے۔فاسٹ بولر شاہین شاہ آفریدی کو میڈیکل ایڈوائزری کمیٹی اور انڈی پینڈنٹ سپیشلسٹس نے آرام کا مشورہ دیا ہے جس کے باعث وہ ایشیا کپ اور انگلینڈ کے خلاف ہوم سیریز میں قومی اسکواڈ کا حصہ نہیں ہوں گے۔