ڈیرہ غازی خان، بستی وڈانی میں اسسٹنٹ کمشنر نے اپنی گاڑی میں سیلاب متاثرین کو ریسکیو کر کے مثال قائم کر دی
ڈیرہ غازی خان(ڈیلی پاکستان آن لائن) ملک بھر میں طوفانی بارشوں اور سیلاب نے کروڑوں لوگوں کو بے گھر کر دیا ہے ، ایسے میں ڈیرہ غازی خان کی بستی وڈانی میں اسسٹنٹ کمشنر کی ویڈیو سامنے آئی ہے جو اپنی گاڑی میں سیلاب متاثرین کو ریسکیو کر رہے ہیں ۔
سوشل میڈیا پر سامنے آنے ویڈیو میں دیکھا جا سکتا ہے کہ اسسٹنٹ کمشنر شکیب سرور اپنی ذاتی گاڑی میں سیلاب میں پھنسے بچے کو ریسکیو کر کے لائےہیں ۔
AC @ShakaibSarwar was seen rescuing people in his own car, distributing cookies among kids, spreading smiles on their faces, ensuring 3 meals a day, setting up livestock camp, provision of medical services as well as security. pic.twitter.com/J5rVywRHrk
— Youth Today (@DailyYouthToday) August 25, 2022
اسسٹنٹ کمشنر شکیب سرور وڈانی بستی سے اپنی گاڑی میں لوگوں کو ریسکیو کر رہے ہیں ، میڈیکل کیمپ اور سیکیورٹی کے ساتھ ساتھ 3 وقت کا کھانا، ٹی ڈی سی پی ائیر پورٹ روڈ پر رہائش وغیرہ یقینی بنائے ہوئے ہیں ۔
یہی نہیں بلکہ وہاں ٹیچرز کو بھی اینگیج کیا ہے تاکہ بچوں کو مختلف سرگرمیوں کے ذریعے فلڈ کے ٹرامہ سے نکالا جاسکے۔
خیال رہے کہ ملک بھر میں طوفانی بارشوں کا سلسلہ جاری ہے جبکہ بلوچستان اور سندھ میں بارشوں اور سیلاب نے تباہی مچا دی ہے ، جس سے کروڑوں لوگ بے گھر ہو چکے ہیں ، اب تک ایک ہزار سے زائد افراد طوفانی بارشوں اور سیلاب کی نذر ہو چکے ہیں جبکہ دیگر مالی نقصان کا تخمینہ لگانا ابھی تک ممکن نہیں ہو سکا ۔ وفاقی حکومت کی جانب سے حالیہ تباہی کے بعد سیلابی صورتحال کو قومی ایمرجنسی قرار دیتے ہوئے عطیات کی اپیل کی گئی ہے ۔