دریائے سوات بپھر گیا، کالام میں ہنی مون ہوٹل پانی میں بہہ گیا
کالام (ڈیلی پاکستان آن لائن )دریائے سوات میں طغیانی کے باعث تباہی کا سلسلہ جاری ہے ، دریا کنارے قائم کالام کا سب سے بڑا ہوٹل "ہنی مون ہوٹل "بھی سیلابی ریلے میں بہہ گیا ہے۔
سوشل میڈیا پیج پاکستان ٹورازم نے ایک ویڈیو جاری کی ہے جس میں دیکھا جا سکتا ہے کہ سیلابی ریلہ ایک بہت بڑے اور خوبصورت ہوٹل کو نست و نابود کرتے ہوئے ساتھ بہا لے گیا ، اطلاعات کے مطابق ہوٹل کو خطرے کے باعث پہلے ہی خالی کرا لیا گیا تھا ،اس لیے کسی قسم کا کوئی جانی نقصان نہیں ہوا۔
کالام کا سب سے بڑا اور قیمتی ہوٹل، ہنی مون ہوٹل سیلاب میں بہہ گیا pic.twitter.com/Jb3ngXJWjt
— Pakistan Tourism ???????? (@PakistanJannatt) August 26, 2022
واضح رہے کہ اس سے قبل بھی ایک ویڈیو منظر عام پر آئی تھی جس میں دریائے سوات راستے میں آنے والی عمارت اور پل کو اپنے ساتھ بہا لے جاتا ہے جس میں شہری استغفراللہ اور اللہ اکبر کی صدائیں بلند کرتے ہوئے دریا سے دور چلے جاتے ہیں ،۔
