HBFC کوآپریٹو ہاؤسنگ سوسائٹی میں ڈینگی آگاہی واک 

 لاہور(پ ر) سیکرٹری رجسٹرار و ڈپٹی رجسٹرار کی ہدایت پر HBFC کوآپریٹو سوسائٹی لمیٹڈ لاہور میں ڈینگی آگاہی واک کا اہتمام کیا گیا۔محکمہ کوآپریٹو کی جانب سے اسسٹنٹ رجسٹرار اویس بریار اور انسپکٹر عبداللہ شاہ شریک ہوئے، اس کے علاوہ  جنرل سیکرٹری چوہدری لیاقت، اکبر علی اور حامد شاہ ایگزیکٹو ممبران، کامران سعید اکاؤنٹنٹ، ملک آصف ڈینگی فوکل پرسن و دیگر نے کثیر تعداد میں ڈینگی آگاہی واک میں شرکت کی،۔انسداد ڈینگی مہم کے سلسلے میں تمام سوسائٹی میں ڈینگی آگاہی بارے پمفلٹ تقسیم کئے، لوگوں کو ڈینگی سے بچاؤ بارے آگاہی دی، اس موقع پر اسسٹنٹ رجسٹرار اویس بریار  اور عبداللہ شاہ نے خطاب کرتے ہوئے کہا کہ ڈینگی سے پاک پنجاب ہمارا عزم ہے، ہم انشاء اللہ ڈینگی کو شکست دینگے اور پورے پنجاب بلکہ پاکستان کو ڈینگی سے بچائیں گے،  جنرل سیکرٹری چوہدری لیاقت نے کہا کہ سیکرٹری رجسٹرار کی ہدایت پر پوری سوسائٹی میں ڈینگی مچھر مار سپرے کرایا گیا ہے، پارکوں کی صفائی ستھرائی کی گئی ہے،   اہلیان سوسائٹی کو ہدایت کی ہے کہ وہ اپنے گھروں میں پانی جمع نہ ہونے دیں، گملوں، کیاریوں کا خاص خیال رکھیں، آخر میں ڈینگی آگاہی کے سلسلے میں واک کی گئی۔انہوں نے کہا کہ سوسائٹی کو ڈینگی سے پاک کر کے دم لیں گے