ٹسڈک نے 50نوجوانوں کو شمسی توانائی کے آلات بارے تریت فراہم کردی

ٹسڈک نے 50نوجوانوں کو شمسی توانائی کے آلات بارے تریت فراہم کردی

  



لاہور(کامرس رپورٹر) ٹیکنالوجی اپگریڈیشن اینڈ سکل ڈویلپمنٹ کمپنی (ٹسڈک) 50 نوجوانوں پر مشتمل سولر ٹیکنیشنز کے پہلے دو بیچز کو شمسی توانائی کے آلات کی انسٹالیشن اور مرمت کی تربیت مکمل کروا دی۔ کامیاب تربیت حاصل کرنے والے نوجوانوں کے اعزاز میں ٹسڈک کے صدر دفتر میں ایک تقریب کا اہتمام کیا گیا، جس میں ان نوجوانوں میں سرٹیفیکیٹس تقسیم کئے گئے۔ تقریب میں شمسی توانائی کے آلات فروخت کرنے والی کمپنیوں اور صنعتی شعبے کے نمائندوں کو بھی مدعو کیا گیا تھا، تاکہ ان نوجوانوں کو مقامی صنعتوں روزگار دلوانے میں مدد مل سکے۔ سلور ٹیکنیشنز کے مذکورہ تربیتی کورس کے لئے ٹسڈک کو یورپی یونین، نیدرلینڈ کے سفارتخانے اور جرمنی کے ترقیاتی ادارے جی آئی زیڈ پاکستان کی مالی معاونت حاصل ہے۔ جی آئی زیڈ پاکستان کے فنڈز فار انوویٹیو ٹریننگز منصوبے کے تحت ملک بھر سے 125 نوجوانوں کو مارچ 2014ءتک فوٹوولٹائکس اور سولر واٹر ہیٹنگ سے متعلق عملی تربیت فراہم کی جائے گی۔ سولر ٹیکنیشنز کی تقریب تقسیم اسناد سے خطاب کرتے ہوئے ٹسڈک کے چیف ایگزیکٹیو آفیسر باسط مقصود عباسی نے کہا کہ ملک میں جاری توانائی بحران سے چھٹکارے اور توانائی کے متبادل ذرائع پر انحصار بڑھانے کے لئے ٹسڈک نے ہنرمندی افرادی قوت کی قلت کو پورا کرنے کا بیڑا اٹھایا ہے، جس کے لئے ٹسڈک کے صدر دفتر میں 30 لاکھ روپے کی لاگت سے جدید آلات سے لیس لیب تیار کی گئی ہے جہاں نوجوانوں کو اس تیزی سے ترقی کرتی ہوئی ٹیکنالوجی سے متعلق تربیت فراہم کی جا رہی ہے۔ باسط مقصود عباسی نے بتایا کہ دوران تربیت ٹسڈک کی جانب سے ان نوجوانوں کو 3 ہزار روپے فی کس وظیفہ اور دوسرے شہروں سے تربیت حاصل کرنے کے لئے آئے نوجوانوں کو 10 ہزار روپے رہائش الاونس بھی دیا گیا۔ ٹسڈک ترجمان کے مطابق مذکورہ تربیتی کورس کے لئے ٹسڈک نے نیشنل ووکیشنل اینڈ ٹیکنیکل ٹریننگ کمیشن کی رہنمائی اور صنعتی شعبے کی مشاورت سے خصوصی نصاب مرتب کیا ہے، تاکہ نوجوانوں بہترین تربیت فراہم کی جا سکے۔ تقریب سے ٹسڈک کے سابق چیئرمین الماس حیدر نے بھی خطاب کیا۔

مزید : کامرس


loading...