کسی بھارتی فوجی نے لائن آف کنٹرول پر سرحد عبور نہیں کی:میجر جنرل آصف غفور
راولپنڈی (ڈیلی پاکستان آن لائن)ڈی جی آئی ایس پی آر میجر جنرل آصف غفور کا کہنا ہے کہ کسی بھارتی فوجی نے لائن آف کنٹرول پر سرحد عبور نہیں کی ،بھارتی میڈیا کی جانب سے یہ پراپیگنڈا برتری ثابت کرنے اور اپنے ناظرین کو خوش کرنے کے لئے ایک بھونڈی کوشش ہے۔
No Indian soldier crossed over LOC. Indian media claim is continuation of their self defeating projections to satisfy domestic audience.
— Maj Gen Asif Ghafoor (@OfficialDGISPR) December 26, 2017
واضح رہے بھارتی میڈیا نے ایک نیا شوشہ چھوڑ رکھا ہے کہ اس کا ایک فوجی لائن آف کنٹرول کراس کر گیا ہے ،بھارت اس سے قبل بھی اس طرح کے دعوے کرتا رہا ہے اوران کے اس طرح کے جھوٹ کی قلعی خود ان کی فوج ہی کھول دیتی ہے ، اور نہ ہی بھارتی فوج اس قابل ہے کہ وہ لائن آف کنٹرول پر سرحد پار ہی کرسکے۔
گزشتہ روز پاکستان کی جانب سے انسانی جذبہ کے تحت بھارتی جاسوس کلبھوشن جادیوکواس کی فیملی کے ساتھ ملاقات کروانے کے بعد بھارتی میڈیا پاکستان کی نیک نامی ہضم نہیں ہو رہی ،کل ہی کے روز ان کی فوج نے لائن آف کنٹرو ل کی خلاف ورزی کرتے ہوئے پاکستان کے تین جوانوں کو شہید اور ایک کو زخمی کر دیا۔