خیبرپختونخوامیں امریکہ اور افغانستان کی وجہ سے حالات خراب ہیں،عمران خان

خیبرپختونخوامیں امریکہ اور افغانستان کی وجہ سے حالات خراب ہیں،عمران خان

 دبئی (آن لائن)تحریک انصاف کے چیئرمین عمران خا ن نے کہا ہے کہ خیبر پختونخواہ میں کرپشن کے خلاف جہاد کررہے ہیں ،صوبے میں کرپشن پر قابو پالیں گے،امریکہ کی وجہ سے صوبے میں حالات خراب ہیں،ان خیالات کا اظہار انہوں نے دبئی میں میڈیا سے گفتگو کرتے ہوئے کیا ۔عمران خان نے کہا کہ سرمایہ کاروں کو ہر قسم کی سہولت دی جائیں گی ،خیبر پختونخواہ میں دیگر صوبوں کی نسبت پولیس بہت بہتر ہے ،انہوں نے کہا کہ جس شخص پر کرپشن کا داغ ہوا اس کو تحریک انصاف میں نہیں آنے دیں گے،عمران خان نے کہا کہ صوبے میں حالات امریکہ اور افغانستان کی وجہ سے خراب ہیں،خطے سے امریکہ کے جانے کے بعد پاکستان کے حالات ٹھیک ہو جائیں گے،انہوں نے کہا کہ سرمایہ کار خیبر پختونخواہ میں آئیں اور سرمایہ کاری کریں ہر قسم کی سہولیات فراہم کی جائیں گی،صوبے میں انوسمنٹ کا یہی بہتر وقت ہے،ایک سوال کے جواب میں انہوں نے کہا کہ جیتنے اور ہارنے کی پالیسی مختلف ہوتی ہے ،دفاعی کھیل کھیل کر کوئی ٹیم جیت نہیں سکتی ،اوپر کے چار بلے باز ہی ٹیم کو جتوا سکتے ہیں

مزید : صفحہ اول