وزیراعظم کو اپنا کارنامہ بتانے کے بعد محفل کے شرکاء کو کہہ کر زبردستی تالیاں بجوانا پڑگئیں

لاہور (ڈیلی پاکستان آن لائن ) وزیراعظم عمران خان نے صوبائی دارلحکومت میں سینٹرل بزنس ڈسٹرکٹ منصوبے کا سنگ بنیاد رکھ دیا اور انہوں نے بتایاکہ اس مںصوبے سے چھ ہزار ارب روپے کی آمدن ہوگی لیکن وزیراعظم کے اس انکشاف پر حاضرین خاموش رہے تو انہٰیں کہنا پڑا کہ آپ سب لوگ سوئے ہوئے ہیں، کوئی تالیوں کی آواز نہیں ، ان کے کہنے کے بعد بیشتر لوگوں نے تالیاں بجائیں جس کی ویڈیو بھی سوشل میڈیا پر وائرل ہوگئی ۔ 

تقریب سے خطاب کرتے ہوئے وزیراعظم نے کہا کہ جب والٹن ایئرپورٹ ڈی نوٹئفائی ہوگا اور اس سارے علاقے کو کمرشلی سطح پر اوپر جانے کی اجازت ملے گی تو اندازوں کے مطابق  چھ ہزار ارب روپے کی دولت بنے گی ،  چھ ہزار ارب روپے کا جملہ انہوں نے دہرایا لیکن حاضرین کی طرف سے داد نہ ملنے پر بولے"مجھے لگتا ہے کہ یہ سامنے والوں نے لیٹ نائیٹ کی ہوئی ہے ، کیونکہ آپ سوئے ہوئے ہیں سب ، کوئی تالیوں کی آواز نہیں کہ یہاں سے چھ ہزار ارب روپے بنیں  گے" وزیراعظم کی طرف سے یہ جملہ سننے کے بعد حاضرین نے تالیاں بجائیں۔

عمران نیازی کو اپنی کارکردگی پر خود کہہ کر تالیاں بجوانی پڑیں. ????????

عمران نیازی نے تقریر کے دوران 6 ہزار ارب روپے بچالیے، لیکن علیم خان سمیت کسی کو کان و کان خبر نہ ہوئی تو عمران نیازی نے خود کہہ کر تالیاں بجوائیں. pic.twitter.com/I9EdsvAEkd

— Abdullah Chaudhry (@ChAbdullahpk) February 26, 2021

ا نہوں نے مزید کہا کہ " علیم خان آپ کو خاص پتہ چلناچاہیے کیونکہ آپ اسی کاروبار سے وابستہ ہیں"۔