این اے 75 ڈسکہ انتخاب کالعدم، حکومت کے لاہور ہائیکورٹ سے رجوع کے فیصلے پر مریم نواز بھی میدان میں آگئیں
لاہور (ڈیلی پاکستان آن لائن) مسلم لیگ ن کی نائب صدر مریم نواز کا کہنا ہے کہ پاکستان تحریک انصاف (پی ٹی آئی) کا این اے 75 ڈسکہ کے حوالے سے الیکشن کمیشن کے فیصلے کو چیلنج کرنا اس بات کو ثابت کرتا ہے کہ انہوں نے چوری کی ہے۔
ٹوئٹر پر اپنے پیغام میں مریم نواز نے کہا کہ’ الیکشن کمیشن کے فیصلے کو چیلنج کرنا ثابت کرتا ہے کہ تم نے چوری کی ہے۔ ووٹ چوری میں ملوث افسران کو بچانا ثابت کرتا ہے کہ چوری تمہارے کہنے پر کی گئی۔ دوبارہ الیکشن سے فرار ثابت کرتا ہے کہ تم جانتے ہو عوام تمہاری ضمانتیں ضبط کرائے گی۔ اللّہ کی لاٹھی بے آواز ہے۔‘
الیکشن کمیشن کے فیصلے کو چیلنج کرنا ثابت کرتا ہے کہ تم نے چوری کی ہے۔
— Maryam Nawaz Sharif (@MaryamNSharif) February 26, 2021
ووٹ چوری میں ملوث افسران کو بچانا ثابت کرتا ہے ہے کہ چوری تمہارے کہنے پر کی گئی۔
دوبارہ الیکشن سے فرار ثابت کرتا ہے کہ تم جانتے ہو عوام تمہاری ضمانتیں ضبط کرائے گی! انشاءاللّہ!
اللّہ کی لاٹھی بے آواز ہے!
انہوں نے کہا کہ ’جسٹس وجیہ الدین نے پی ٹی آئی الیکشن کا پول کھولا تو انہیں پارٹی سے نکال دیا۔ اب الیکشن کمیشن نے چوری پکڑی تو اپیلیں کر رہے ہو؟ عوام تمہارے ساتھ ہے تو میدان سے بھاگتےکیوں ہو؟ دھاندلی کرنے والے اہلکاروں کوتحفظ دینے کو اس لیے بے چین ہو کہ وہ کٹہرے میں اگر تمہارا نام لیں گے تو تمہارا کھیل ختم۔‘
جسٹس وجیہ الدین نے PTI الیکشن کا پول کھولا تو اسے پارٹی سے نکال دیا۔اب الیکشن کمیشن نے چوری پکڑی تو اپیلیں کر رہے ہو؟عوام تمہارے ساتھ ہے تو میدان سے بھاگتےکیوں ہو؟
— Maryam Nawaz Sharif (@MaryamNSharif) February 26, 2021
دھاندلی کرنے والے اہلکاروں کوتحفظ دینے کو اس لیے بے چین ہو کہ وہ کٹہرے میں اگر تمہارا نام لیں گے؟ تمھارا کھیل ختم!
خیال رہے کہ گزشتہ روز الیکشن کمیشن آف پاکستان نے این اے 75 ڈسکہ میں ہونے والے ضمنی الیکشن کو کالعدم قرار دیتے ہوئے 18 مارچ کو اس حلقے میں دوبارہ انتخاب کا فیصلہ کیا تھا۔ الیکشن کمیشن کے اس فیصلے کے خلاف پاکستان تحریک انصاف نے لاہور ہائیکورٹ سے رجوع کرنے کا فیصلہ کیا ہے۔