عالیہ بھٹ کی "گنگو بائی کاٹھیاواری "نے ریلیز کے پہلے دن ہی باکس آفس پر دھوم مچا دی

عالیہ بھٹ کی "گنگو بائی کاٹھیاواری "نے ریلیز کے پہلے دن ہی باکس آفس پر دھوم ...
عالیہ بھٹ کی

  

ممبئی(ڈیلی پاکستان آن لائن)بھارتی مشہور فلم ڈائریکٹر سنجے لیلا بھنسالی کی فلم "گنگو بائی کاٹھیاواری " ریلیز کے پہلے دن ہی باکس آفس پر دھوم مچا دی اور بہترین بزنس بھی کیا۔فلم میں مرکزی کردار اداکارہ عالیہ بھٹ نے ادا کیا ہے یہ فلم کورونا کی وجہ سے تاخیر سے ریلیز ہوئی لیکن اس فلم کی مقبولیت میں کوئی فرق نہیں پڑا بلکہ اس اداکارہ کی اس فلم نے ان کی فلم" راضی "کے بزنس 7کروڑ53 لاکھ کا ریکارڈ کو بھی توڑ دیا۔

تفصیلات کے مطابق فلم گزشتہ روزریلیز ہوئی ہے بھارتی مشہورفلمی تجزیہ نگار نے اپنے ٹوئیٹ میں بتایا کہ ”فلم نے ریلیز کے پہلے دن باکس آفس پر 10کروڑ50 لاکھ کا بزنس کیا ہے“۔امید کی جا رہی تھی کہ پہلے دن فلم 7یا 8کروڑ کا بزنس کریں گی لیکن فلم نے 10کڑور 50لاکھ کا بزنس کر کے سب کو حیران کر دیا۔

یاد رہے کہ عالیہ بھٹ نے فلم" گنگو بائی کاٹھیاواڑی" میں مرکزی کردار ادا کیا ہے  گنگو بائی  1960ءکی دہائی کے دوران ممبئی کے ریڈ لائٹ ایریا کی مشہور طوائف تھی۔

مزید :

تفریح -