یوکرین میں پھنسے پاکستانیوں کو پڑوسی ملک نے زمینی راستے سے اپنے ملک میں داخل ہونے کی اجازت دے دی

یوکرین میں پھنسے پاکستانیوں کو پڑوسی ملک نے زمینی راستے سے اپنے ملک میں داخل ...
یوکرین میں پھنسے پاکستانیوں کو پڑوسی ملک نے زمینی راستے سے اپنے ملک میں داخل ہونے کی اجازت دے دی
سورس: Twitter

  

وارسا(مانیٹرنگ ڈیسک)روسی فوج کے حملے کے بعد یوکرین میں موجود پاکستانی دربدر ہو کر رہ گئے تھے جنہیں اب پولینڈ نے زمینی راستے سے اپنے ملک میں داخل ہونے کی اجازت دے دی ہے۔ ڈیلی پاکستان گلوبل کے مطابق پولینڈ کی وزارت خارجہ کی طرف سے جاری ایک بیان میں کہا گیا ہے کہ یوکرین میں موجود پاکستانی شہری آئندہ 15دن کے اندر زمینی راستے سے پولینڈ میں داخل ہو سکتے ہیں۔

وزارت نے اپنے بیان میں کہا ہے کہ یوکرین سے آنے والے پاکستانیوں کے لیے پی سی آر ٹیسٹ، ویکسی نیشن کے ثبوت اور قرنطینہ جیسی کورونا وائرس کی وباءسے متعلق پابندیاں بھی آج سے معطل کر دی گئی ہیں تاکہ وہ بلاتاخیر یوکرین سے نکل سکیں۔ جو لوگ اپنی ذاتی گاڑیوں پر پولینڈ میں داخل ہوں گے ان کے پاس ڈرائیونگ لائسنس ہونا چاہیے ، گاڑی ان کے نام پر رجسٹرڈ ہونی چاہیے اور ان کے پاس انشورنس پریمیم ہونا چاہیے۔جن لوگوں کے پاس موجود گاڑیاں ان کے اپنے نام پر رجسٹرڈ نہ ہوں، ان کے پاس نوٹرائزڈ پاور آف اٹارنی بمعہ مصدقہ ترجمہ ہونی چاہیے۔

مزید :

بین الاقوامی -