2 برسوں کے دوران 13 ارب روپے کے جنریٹر درآمد

2 برسوں کے دوران 13 ارب روپے کے جنریٹر درآمد

       اسلام آباد(آن لائن)سٹیٹ بینک نے اپنی حالیہ رپورٹ میں انکشاف کیا ہے کہ ملک میں بجلی کی لوڈشیڈنگ کے بعد 2014ءکو پاکستانیوں نے 54.44 ملین امریکی ڈالر کے جنریٹر درآمد کر کے اپنی انرجی ضروریات کو پورا کیا ہے۔ اسی رپورٹ میں بتایا گیا ہے کہ 2013ءکو 57.34 ملین امریکی ڈالر کے جنریٹر درآمد کئے گئے تھے جو 2014ءسے کچھ زیادہ ہیں۔ ملک میں جاری لوڈشیڈنگ بحران سے حکومت نمٹنے میں ناکام نظر آئی ہے جس کے بعد شہریوں نے گزشتہ دو سالوں میں 111.78 ملین امریکی ڈالر کے جنریٹر درآمد کئے ہیں۔ اگر اس رقم کو پاکستانی روپیہ میں دیکھا جائے تو یہ رقم تقریباً 13 ارب روپے کے مساوی بنتی ہے۔

مزید : کامرس