سپیشل قومی اتھلیٹس ورلڈ گیمز میں میڈلز جیتنے کے لئے پرعزم

سپیشل قومی اتھلیٹس ورلڈ گیمز میں میڈلز جیتنے کے لئے پرعزم

  



لاہور(سپورٹس رپورٹر)مارچ میں ابوظہبی میں اسپیشل اولمپکس ورلڈ گیمز کا میلہ سج رہاہے جس کی تیاریوں کے لیے پاکستان سپیشل اولمپکس ایسوسی ایشن کے زیر اہتمام اتھلیٹکس ٹیم کاکیمپ لاہور میں جاری ہے۔8 مارچ سے ہونے والے ورلڈ گیمز میں اتھلیٹکس سمیت پاکستان 10 کھیلوں میں حصہ لے رہاہے۔ جس میں بیڈمنٹن، اتھلیٹکس، باسکٹ بال، بوچے بال، سائیکلنگ، فٹبال، پاورلیفٹنگ، سوئمنگ، ٹیبل ٹینس اور ٹینس شامل ہیں۔ اطلاعات کے مطابق ان گیمز میں پاکستان کا 92 رکنی دستہ شرکت کرسکتا ہے، جس میں 55 مرد اور 37 خواتین اتھلیٹس کے ساتھ 27 کوچز بھی شامل ہیں۔ پنجاب اسٹیڈیم میں اتھلیٹکس ٹیم کے کیمپ میں 13 لڑکوں کے ساتھ 6 لڑکیاں بھی محنت کرنے میں مصروف ہیں۔ان باہمت اتھلیٹس کا کہنا ہے کہ وہ میڈلز جیت کر لائیں گے۔30 جنوری تک جاری رہنے والے کیمپ میں فزیکل فٹنس کو بہتر بنانے کے ساتھ ان بچوں کو ریس جیتنیکے لیے خصوصی ڈرلز بھی کروارہیہیں۔ لاہور کے بعد کیمپ کا آخری مرحلہ کراچی میں 8 فروری سے شیڈول ہے جہاں تمام ٹریننگ کے بعد 4 مارچ کو پاکستانی دستہ ابوظہبی روانہ ہوجائے گا۔

مزید : کھیل اور کھلاڑی