ادھار تیل پر پیشرفت: اسلامی ترقیاتی بینک پاکستان کو ساڑھے 4 ارب ڈالر کا تیل فراہم کریگا

ادھار تیل پر پیشرفت: اسلامی ترقیاتی بینک پاکستان کو ساڑھے 4 ارب ڈالر کا تیل ...
ادھار تیل پر پیشرفت: اسلامی ترقیاتی بینک پاکستان کو ساڑھے 4 ارب ڈالر کا تیل فراہم کریگا

  


اسلام آباد(ڈیلی پاکستان آن لائن) ترجمان وزارت خزانہ کا کہنا ہے کہ پاکستان کو ادھار تیل ملنے میں ایک اور بڑی پیش رفت ہوئی ہے۔

ترجمان کے مطابق پاکستان کو اسلامی ترقیاتی بینک سے قرض پر ساڑھے 4 ارب ڈالر کا تیل ملے گا اور یہ سہولت 3 سال کیلئے ہوگی جبکہ آئی ڈی پی ہر سال ڈیڑھ ارب ڈالر کا تیل فراہم کرے گا۔

ترجمان نے بتایا کہ پہلے مرحلے میں 10 کروڑ ڈالر کا تیل فراہم ہو چکا ہے اور دوسرے مرحلے میں 27 کروڑ کا ادھار تیل ملے گا۔ ترجمان کے مطابق اسلامی ترقیاتی بینک سے ایل این جی بھی ادھار لینے پر بات چیت جاری ہے۔

ترجمان وزارت خزانہ کا کہنا تھا کہ سعودی عرب سے ادھار تیل کے معاملات طے پاگئے ہیں، فروری کے وسط سے سعودی عرب سے ادھار تیل مل سکے گا۔ترجمان وزارت خزانہ کے مطابق متحدہ عرب امارات سے بھی ادھار تیل پر بات چیت میں پیش رفت ہوئی ہے۔

مزید : قومی /علاقائی /اسلام آباد