فواد چوہدری کے منہ پر کپڑا ڈالا گیا ،مجھے دہشت گردوں کی طرح مارا گیا ، کیا میں سوتیلا بچہ تھا ، شہباز گل کا شکوہ
اسلام آباد (ڈیلی پاکستان آن لائن)پاکستان تحریک انصاف (پی ٹی آئی) کے رہنما شہباز گل کا کہنا ہے کہ فواد چوہدری صاحب کو منہ پر کپڑا ڈالنے کے علاوہ کچھ نہیں کیا،مجھے ایسے مارا گیا جیسے میں دہشت گرد ہوں، میں کیا سوتیلا بچہ تھا، کوئی وجہ تو ہو گی جو میرے ساتھ ایسا کیا، وہ وجہ مجھے بھی بتائی جائے۔لاہور ہائی کورٹ میں میڈیا سے گفتگو کرتے ہوئے شہباز گل نے کہا کہ نئی حکومت کا شکر گزار ہوں، ان کے آنے کے بعد ننگا کرنے کا رواج کم ہو گیا ہے۔ان کا کہنا تھا کہ ہر شہری کی طرح میرا حق ہے کہ اپنے کیسز کی تفصیلات کا پتہ چلے، اگر مجھے بھاگنا ہوتا تو میں اپریل میں بھاگ جاتا، مجھے پر کیسز ڈالے گئے، اس کے باوجود ملک اور عدالتوں میں ہوں۔
