پنجاب کی نگران کابینہ نے حلف اٹھا لیا
لاہور(ڈیلی پاکستان آن لائن)پنجاب کی آٹھ رکنی نگران کابینہ نے آج گورنر ہاوس لاہور میں حلف اٹھایا۔ گورنر پنجاب محمد بلیغ الرحمان نے نگران کابینہ سے حلف لیا۔ چیف سیکریٹری پنجاب چوہدری زاہد اختر زمان نے تقرری سے متعلق نوٹیفکیشن پڑھ کر سنایا۔
حلف اٹھانے والی نگران کابینہ میں ایس ایم تنویر،ڈاکٹر جاوید اکرم، ابراہیم مراد،بلال افضل ،ڈاکٹر جمال ناصر، منصور قادر، سید اظفر علی ناصراور عامر میر شامل ہیں۔
حلف برداری کی تقریب میں نگران وزیر اعلیٰ پنجاب سید محسن رضا نقوی، چیف سیکریٹری پنجاب چوہدری زاہد اختر زمان، انسپکٹر جنرل آف پولیس پنجاب ڈاکٹر عثمان انور اور دیگر شامل تھے۔
