این اے 171 کا مکمل رزلٹ آ گیا ، مسلم لیگ ن کے امیدوار ریاض پیرزادہ نے میدان مار لیا

این اے 171 کا مکمل رزلٹ آ گیا ، مسلم لیگ ن کے امیدوار ریاض پیرزادہ نے میدان مار ...
این اے 171 کا مکمل رزلٹ آ گیا ، مسلم لیگ ن کے امیدوار ریاض پیرزادہ نے میدان مار لیا

  

بہاولپور(ڈیلی پاکستان آن لائن)عام انتخابات 2018 کے جیسے جیسے نتائج سامنے آ رہے ہیں سیاسی جماعتوں کی پوزیشن بھی واضھ ہوتی جا رہی ہے ،بہاولپور سے آنے والے غیر سرکاری و غیر حتمی مکمل  نتیجے کے مطابق مسلم لیگ ن نے این اے 171 سے میدان مار لیا ہے ۔

این اے 171 بہاولپور کے مکمل 286 پولنگ اسٹیشنز کے غیرحتمی و غیر سرکاری نتائج کے مطابق مسلم لیگ (ن) کے ریاض پیرزادہ 95 ہزار 500 ووٹ حاصل کر کے کامیاب قرار پائے ہیں جب کہ ان کے مدمقابل تحریک انصاف کے امیدوار چوہدری نعیم الدین وڑائچ نے 53 ہزار 109 ووٹ حاصل کیے۔واضح رہے کہ ریاض پیرزادہ 2013 کے الیکشن میں بھی مسلم لیگ ن کی طرف سے اسی سیٹ پر کامیاب ہوئے اور وفاقی وزیر رہے جبکہ ریاض پیرزادہ کھل کر نواز شریف اور مسلم لیگ ن کی پالیسیوں پر تنقید بھی کرتے رہے ہیں، مسلم لیگ ن کی حکومت کے آخری دنوں میں میڈیا پر ان کے پارٹی چھوڑنے کے حوالے سے بھی خبریں گردش کرتی رہی ہیں تاہم انہوں نے مسلم لیگ کے ٹکٹ پر ہی ایک بار پھر 2018 کے الیکشن میں کامیابی حاصل کر لی ہے ۔

مزید : الیکشن /قومی اسمبلی /علاقائی /پنجاب /بہاول پور