سی پیک پراجیکٹس میں تاخیر کے ذمہ دار خود وزیراعظم عمران خان ہیں

جماعت اسلامی پاکستان کے مرکزی رہنما لیاقت بلوچ نے کہا کہ اگر سی پیک کے منصوبوں میں کہیں پر کوئی تاخیر ہوئی ہے تواس کی ذمے داری وزیراعظم عمران خان پر عائد ہوتی ہے کیونکہ وہ حکومت میں آنے سے پہلے اس منصوبے کے حوالے سے شکوک و شبہات پیدا کرتے رہے،پھر حکومت میں آنے کے بعد بھی انہوں نے اس منصوبے پر کام کو روکے رکھا۔وہ ایشو آف دی ڈے میں اظہار خیال کررہے تھے۔انہوں نے کہا کہ اب دو سال گزرنے کے بعد انہوں نے ایک سی پیک اتھارٹی بنا دی ہے یہی کام اگر وہ حکومت میں آنے کے فوری بعد کردیتے تو منصوبے پر تیزی سے دن رات کام ہوتا اور اب تک یہ تکمیل کے آخری مراحل تک پہنچ چکا ہوتا، اسلئے ہم سمجھتے ہیں اس کی تاخیر کے ذمے دار صرف اورصرف خود وزیر اعظم ہیں کوئی اور نہیں ہے۔
لیاقت بلوچ