ہار پہنانے کی رسم کے دوران دلہن نے سٹیج پر کبڈی شروع کردی، ویڈیو وائرل

ہار پہنانے کی رسم کے دوران دلہن نے سٹیج پر کبڈی شروع کردی، ویڈیو وائرل
ہار پہنانے کی رسم کے دوران دلہن نے سٹیج پر کبڈی شروع کردی، ویڈیو وائرل
سورس: Screengrab

  

نئی دہلی  (ویب دیسک)  شادی کے دوران ورمالا (ہار) پہنانے کی رسم کے دوران دلہن نے اسٹیج پر دلہا کے ساتھ کبڈی کھیلنا شروع کردی، مہمان ہکا بکا رہ گئے۔

بھارت میں کرونا وائرس کی تباہ کاریوں کے باوجود شادی بیاہ کا سلسلہ جاری ہے، شادی کی رسومات کے دوران پیش آئے دلچسپ واقعات کی ویڈیوز نے سوشل میڈیا صارفین پیٹ پکڑ کر ہنسنے پر مجبور کردیا۔بھارت میں گزرتے وقت کے ساتھ شادی کا ماحول تبدیل ہوتا جارہا ہے اور اس پر کسی کو کوئی اعتراض بھی نہیں۔پرانے وقتوں میں دولہا اور دلہن اپنی شادی کے دوران اور اس کے بعد بھی ایک دوسرے کے حوالے سے ہچکچاہٹ کا شکار رہتے تھے لیکن بدلتے وقت کے ساتھ سب کچھ تبدیل ہوگیا۔

انٹرنیٹ پر بھارت میں ہونے والی شادی کی ایک اور ویڈیو نے دھوم مچادی ہے جس میں دیکھا جاسکتا ہے کہ دلہا نے تو دلہن کی جانب سے پہنائے گئے ہار کو بڑے آرام سے ہار پہنالیکن جب دلہن کی ہار پہننے کی باری آئی تو اس نے روایتی مشرقی دلہن کا معاملہ چھوڑ کر اپنا لہنگا سنبھالا اور اسٹیج پر اَدھر سے اُدھر بھاگنا اور اچھلنا شروع کردیا۔

بے چارہ دلہا ہار لیے ایک طرف سے دلہن کے پیچھے بھاگنے لگا کہ اسے ہار پہنادے لیکن دلہن کی پھرتی کے آگے بے بس نظر آرہا تھا۔

بلآخر دلہا میاں ہار پہنانے میں کامیاب ہوہی گئے، ٹوئٹر پر شیئر ہونے والی اس دلچسپ ویڈیو کو 20 ہزار کے قریب لوگ دیکھ چکے ہیں جب کہ سیکڑوں نے شیئر کیا اور سیکڑوں صارفین کی جانب سے ویڈیو پر دلچسپ تبصرے جاری ہیں۔

مزید :

ڈیلی بائیٹس -