آنکھ پر دانے کا علاج کیسے کیا جائے؟آسان قدرتی طریقہ جانئے

آنکھ پر دانے کا علاج کیسے کیا جائے؟آسان قدرتی طریقہ جانئے
آنکھ پر دانے کا علاج کیسے کیا جائے؟آسان قدرتی طریقہ جانئے

  


لندن(نیوزڈیسک)اگر آنکھ میں دانہ یا پھنسی نکل آئے تو بہت تکلیف ہوتی ہے اور ہم اردگرد کی چیزیں دیکھنے سے بھی گھبراتے ہیں۔آئیے آپ کو آنکھ کے دانے کے علاج کے آسان طریقے بتاتے ہیں۔

گرم پٹی

آنکھ کے دانے کے علاج کے لئے متاثرہ جگہ کو گرمائش دینا بہت ضروری ہے۔آپ کو چاہیے کہ کسی صاف کپڑے کو گرم پانی میں کپڑا بھگو کر اسے اپنی آنکھ پر دانے والی جگہ پر لگائیں۔اس بات کا خیال رہے کہ پانی بہت زیادہ گرم نہ ہو کہ آپ کی آنکھ کو نقصان پہنچ جائے۔گرم پٹی کو 5سے10منٹ تک آنکھ پر لگا رہنے دیں، اس کی وجہ سے نہ صرف آپ کا دانہ جلد ٹھیک ہوجائے گا بلکہ آپ کو وقتی سکون بھی ملے گا۔

ہلدی لگائیں

آپ کو اس بات کا علم تو ہوگا کہ ہلدی ایک قدرتی انٹی سیپٹک اور انٹی بائیوٹک ہے اور اگر یہ آنکھ کے دانے پر لگائی جائے توجلد آرام آجاتا ہے۔ایک چائے کو چمچ ہلدی کو دو کپ پانی میں ڈال کر اس وقت تک ابالیںجب تک پانی آدھا نہ رہ جائے۔اب اس محلول کو انتہائی باریک کپڑے کے ساتھ چھان لیں اور اسے ٹھنڈا ہونے پر دن میں تین بار آئی ڈراپر کے ساتھ آنکھ میں ڈالیں۔

دھنیے کے بیج

ایک چائے کے چمچ دھنیے کے بیج اور ایک کپ پانی کو ابا ل کر اس پانی کو ٹھنڈا کریں اور دن میں تین سے چار بار اس پانی سے آنکھ کو دھوئیں۔

کوار گندل کا پتا

آنکھ کے دانے کے لئے کوارگندل کا پتا یعنی Aloe Vera leafانتہائی مفید چیز ہے۔کوار گندل کو کاٹ کر اس کے مادے کو آنکھ میں دانے والی جگہ پر لگائیں اور جلد اپنی مشکل سے نجات پائیں۔

ٹی بیگز

ایک چائے والے بیگ کو ابلتے ہوئے پانی میں ڈالیں اور ٹی بیگ کو ٹھنڈا ہونے پر اسے اپنی آنکھ کے دانے پر لگائیں۔اس طریقے سے بھی آپ کو جلد دانے سے نجات مل جائے گی۔

مزید : تعلیم و صحت