شہری عید پر چٹ پٹے کھانے احتیاط سے کھائیں، ماہرین طب

شہری عید پر چٹ پٹے کھانے احتیاط سے کھائیں، ماہرین طب

  

کراچی (اسٹاف رپورٹر) طبی ماہرین نے شہریوں کو خبردار کیا ہے کہ وہ عید کے موقع پرگھروں میں تیار ہونے والے مختلف اقسام کے پکوان احتیاط کے ساتھ کھائیں کیونکہ ماہ رمضان المبارک میں ایک ماہ تک روزے رکھنے کے باعث پیٹ کا نظام درست ہوجاتا ہے اور معدے کے افعال سستہوجاتے ہیں اس لئے کوشش کی جائے کہ معدے پر کوئی دباؤ نہ پڑے۔ طبی ماہرین کا کہنا تھا کہ عید کے موقع پر مختلف پکوان بالخصوص لذیز کھانوں کی وجہ سے استعمال سے معدے پر شدید دباؤ پڑتا ہے اورپیٹ خراب ہونے کا خدشہ رہتا ہے اس لئے عید کے موقع پر خوراک کم سے کم کیا جائے۔معروف خاتون طبی ماہر طبیبہ فرحت منظوم نے کہا ہے کہ عید کے موقع پر تیار ہونے والاشیرخورمہ بہت زیادہ استعمال نہ کیا جائے کیو نکہ اس میں میوے جات کا استعمال کثیرتعداد میں کیا جاتا ہے اور عموماً کھانے والے شیرخورمہ میں ڈالے گئے میوے بغیرچبائے نگل جاتے ہیں جو معدے کی گرانی کا سبب بنتے ہیں۔انہوں نے کہا کہ عید کے موقع پر گھروں میں تیار کئے گئے چٹ پٹے پکوان احتیاط سے کھائیں،کھانے کے بعد کولڈ ڈرنکس کا استعمال نہ کریں بالخصوص شوگر کے مریض مٹھائیوں اور شربت سے بھی گریز کریں۔

مزید :

راولپنڈی صفحہ آخر -