اپوزیشن کی اے پی سی ،عوامی نیشنل پارٹی نے چیئرمین سینٹ کو ہٹانے کی تجویز دیدی
اسلام آباد(ڈیلی پاکستان آن لائن)اپوزیشن جماعتوں کی آل پارٹیز کانفرنس میں عوامی نیشنل پارٹی نے چیئرمین سینٹ صادق سنجرانی کو ہٹانے اور احتجاجی تحریک کیلئے کمیٹی بنانے کی تجویزدیدی۔
میڈیا رپورٹس کے مطابق جے یو آئی (ف)کے سربراہ مولانا فضل الرحمان کی زیرصدارت اپوزیشن جماعتوں کی آل پارٹیز کانفرنس جاری ہے ،عوامی نیشنل پارٹی کے رہنما اسفندیارولی کی چیئرمین سینیٹ کوہٹانے کی تجویز دیدی،اسفندیار ولی کاکہنا ہے کہ چیئرمین سینٹ کوتبدیل کیاجاناچاہئے،اپوزیشن نے یہ اقدام نہ اٹھایاتوعوام اعتمادنہیں کریگی،اے این پی کی احتجاجی تحریک کیلئے کمیٹی بنانے کی تجویزدیتے ہوئے کہا کہ کمیٹی کی تجویزپراے پی سی میں غورکیا جائے ،انہوں نے کہ حکومت مخالف تحریک پنجاب میں شروع کی جائےں،میاں افتخار کاکہناہے کہ اے پی سی میں حکومت مخالف احتجاجی تحریک پر اتفاق ہو گیا ہے ، کمیٹی احتجاجی تحریک سے متعلق پلان تیارکرےگی۔