قومی کرکٹرز ہوٹل کے فلور میں بائیو سیکور ماحول میں رہینگے

قومی کرکٹرز ہوٹل کے فلور میں بائیو سیکور ماحول میں رہینگے

  

لاہور(سپورٹس رپورٹر) دورہ انگلینڈ کے لیے قومی اسکواڈ میں شامل کورونا وائرس فری کرکٹرز اور ٹیم مینجمنٹ کے اراکین نے لاہور کے مقامی ہوٹل میں رپورٹ کردی ہے، یہ تمام افراد ہوٹل کے ایک فلور میں بائیو سیکور ماحول میں رہیں گے۔کورونا ٹیسٹ منفی آنے والے کھلاڑیوں اور مینجمنٹ کے اراکین ہوٹل سے 28 جون کو خصوصی طیارے پر انگلینڈ روانہ ہوں گے، لاہور کے ہوٹل پہنچنے والوں میں 18 کھلاڑی اور مینجمنٹ کے 11 اراکین شامل ہیں۔ون ڈے اور ٹی ٹوئنٹی ٹیم کے کپتان بابر اعظم، امام الحق، عثمان شنواری اور عابد علی سمیت دیگر کھلاڑی نجی ہوٹل پہنچے۔پاکستانی ٹیم دورہ انگلینڈ میں تین ٹیسٹ اور تین ٹی ٹوئنٹی میچز کھیلے گی، انگلینڈ پہنچنے پر پاکستانی ا سکواڈ کی 29 جون کو تیسری ٹیسٹنگ ہوگی۔

دوسری جانب دورہ انگلینڈ کے لیے اعلان کردہ 4 ریزرو کھلاڑیوں کی کوویڈ 19 ٹیسٹنگ بھی ہوگئی، ریزرو کھلاڑیوں میں عمران بٹ، بلال ا?صف، محمد موسیٰ اور محمد نواز شامل ہیں۔اس کے علاوہ کورونا ٹیسٹ مثبت ا?نے والے 10 کھلاڑیوں اور منیجمنٹ کے ایک رکن کی دوسری ٹیسٹنگ 26 جون کو ہوگی، ان تمام کھلاڑیوں اور ا?فیشلز کی ٹیسٹنگ ان کے اپنے اپنے شہروں میں کی جائے گی۔

مزید :

کھیل اور کھلاڑی -