ریاستِ مدینہ کی طرف اہم قدم، وزیر اعظم کا سود خوروں کو بڑا جھٹکا، سودی معیشت پر کاری ضرب لگادی
کراچی (ڈیلی پاکستان آن لائن) صحافی و تجزیہ کار کامران خان کا کہنا ہے کہ حکومت کی جانب سے شرح سود میں کی جانے والی کمی دراصل سود خوروں کیلئے بڑا جھٹکا ہے۔
اپنے ایک ٹویٹ میں کامران خان نے کہا کہ عمران خان نے بینکوں میں سرمایہ رکھ کر گھر بیٹھے سود کھانے کا زمانہ ختم کردیا، کاروبار بھی نہال ہوگیا۔
انہوں نے بتایا کہ شرح سود میں مزید ایک فیصد کمی کی گئی ہے جس کے بعد شرح سود 4 ماہ میں سوا 13 فیصد سے 7 فیصد پر آگئی ہے، اس کی وجہ سے سرمایہ بینکوں سے کاروبار میں منتقل ہوگا، یہ سودی معیشت پر کاری ضرب ہے جس سے پاکستان پر اللہ کی رحمتیں نازل ہوں گی۔
عمران خان کو مبارک بینکوں میں سرمایہ رکھ کر گھر بیٹھے سود کھانے کا زمانہ ختم کردیا کاروبار و تجارت بھی نہال ہوگیا آج شرح سود مزید ایک فیصد کمی سے
— Kamran Khan (@AajKamranKhan) June 25, 2020
4 ماہ میں سوا تیرہ سے سات فیصد پر آگئ
سرمایہ بینکوں سے کاروبار میں منتقل ہوگا سودی معشیت پر کاری ضرب پاکستان پراللہ کی رحمتیں انشاللہ pic.twitter.com/kqEh2dOek5
اپنے ایک ویڈیو پیغام میں کامران خان نے شرح سود میں کمی کو سودی معیشت پر کاری ضرب قرار دیتے ہوئے کہا کہ بینکوں میں پیسہ رکھ کر سود کھانے کے معاملے میں اب کسی قسم کی کوئی کشش باقی نہیں رہی ، اس کا سارا کریڈٹ عمران خان کو جاتا ہے۔
انہوں نے کہا کہ شرح سود میں کمی کے بعد بینک بھی مجبور ہوں گے کہ اب وہ اپنا سرمایہ حکومت کے ٹریژری میں لگانے کے بجائے کاروبار کو دیں، یہ پاکستان کیلئے اچھی شروعات ہے۔ حکومت کاروبار کیلئے اچھا پیکج تیار کرچکی ہے، تعمیراتی شعبے کے پیکج میں خامیوں کو بھی دور کرلیا گیا ہے جو بہت جلد سامنے آجائے گا۔
پاکستانیوں کو مبارک عمران خان کو مبارک اسٹیٹ بینک گورنر ڈاکٹر رضا باقر کا شکریہ آج گھر بیٹھے سود کھانے کی روش کو زبردست چوٹ لگائی اور کاروبار ترقی کی نئی شاہراہیں کھول دیں#KKsTake pic.twitter.com/ACifZVPGrm
— Kamran Khan (@AajKamranKhan) June 25, 2020