25 روپے اضافے کے بعد پاکستان میں پٹرول 100 روپے لٹر ہوگیا ، چین میں کیا ریٹ ہے؟ آپ بھی کہیں گے ہمارے ہاں تو بہت سستا ہے

25 روپے اضافے کے بعد پاکستان میں پٹرول 100 روپے لٹر ہوگیا ، چین میں کیا ریٹ ہے؟ ...
25 روپے اضافے کے بعد پاکستان میں پٹرول 100 روپے لٹر ہوگیا ، چین میں کیا ریٹ ہے؟ آپ بھی کہیں گے ہمارے ہاں تو بہت سستا ہے

  

اسلام آباد (ڈیلی پاکستان آن لائن) وزیر اعظم کے معاون خصوصی ڈاکٹر شہباز گل کا کہنا ہے کہ پاکستان میں اب بھی خطے کے دیگر ممالک کی نسبت پٹرولیم مصنوعات کی قیمتیں کہیں کم ہیں۔

ڈاکٹر شہباز گل نے بتایا کہ 22 جون کے ریٹ کے مطابق انڈیا میں پٹرول کی قیمت 1.09 ڈالر ہے جو پاکستانی روپوں میں 180 روپے بنتی ہے۔ چین میں فی لٹر پٹرول 137، بنگلہ دیش میں 174 روپے کا مل رہا ہے۔ پاکستان میں جمعہ کو قیمتوں میں اضافے کے بعد بھی پٹرول کی قیمت 100 روپے 10 پیسے ہے جو دیگر ممالک کی نسبت بہت سستا ہے۔

انہوں نے بتایا کہ انڈیا میں ڈیزل کی قیمت 172 روپے فی لٹر ہے جبکہ چین میں 119.5 جبکہ بنگلہ دیش میں 166 روپے ہے۔ پاکستان میں 25 جون کو اضافے کے بعد فی لٹر ڈیزل کی قیمت 101.40 روپے ہوئی ہے جو خطے کے دیگر ممالک کے مقابلے میں ابھی بھی سستا ہے۔

ڈاکٹر شہباز گل کے مطابق چند ہفتوں میں خام تیل کی عالمی منڈی میں قیمت 20 ڈالر فی بیرل سے 41.8 ڈالر فی بیرل پہنچ گئی ہے۔ پچھلے 46 دنوں میں عالمی منڈی میں پٹرول کی قیمتوں میں 112 فیصد اضافہ ہوا ہے،  اس ہوشربا اضافے کا اثر یقیناً ہماری پٹرولیم مصنوعات کی قیمتوں پر بھی متوقع تھا۔

خیال رہے کہ حکومت کی جانب سے جمعہ کے روز پٹرولیم مصنوعات کی قیمتوں میں بھاری اضافہ کیا گیا ہے۔ پٹرول کی قیمت میں 25 روپے 58 پیسے اور ہائی سپیڈ ڈیزل کی قیمت میں 21 روپے 31 پیسے اضافہ کیا گیا ہے۔

مزید :

Breaking News -قومی -بزنس -