والد کو زبردستی گھر سے نکالنے والے بیٹوں کو 3، 3 سال قید کی سزا

والد کو زبردستی گھر سے نکالنے والے بیٹوں کو 3، 3 سال قید کی سزا
والد کو زبردستی گھر سے نکالنے والے بیٹوں کو 3، 3 سال قید کی سزا

  

راولپنڈی (ڈیلی پاکستان آن لائن) مقامی عدالت نے والد کو گھر سے نکالنے والے بیٹوں اور ان کی والدہ کو تین تین برس قید کی سزا سنادی۔

نجی ٹی وی ایکسپریس نیوز کے مطابق محمد قاسم اور راحیلہ بیگم کی طلاق ہوگئی تھی جس کے بعد اس کی سابق اہلیہ نے اپنے بیٹوں زعفران اور فیضان کے ہمراہ گھر پر قبضہ کرکے قاسم کو گھر سے نکال دیا۔ اس پر بزرگ شہری  کی درخواست پر تھانہ روات نے جبری قبضے کے ایکٹ کے تحت مقدمہ درج کرکے تفتیش شروع کی۔

ایڈیشنل سیشن جج افضل مجوکہ نے دونوں بیٹوں اور ان کی ماں کو  گھر پر قبضے اور بزرگ والد کو گھر سے نکالنے کے جرم میں تین تین سال قید کی سزا اور ایک ایک لاکھ روپے جرمانہ عائد کردیا۔ عدالتی حکم پر تینوں ماں بیٹوں کو کمرہ عدالت سے ہی گرفتار کرلیا گیا۔ عدالت نے حکم دیا ہے کہ گھر کا قبضہ خالی  کراکے اصل مالک محمد قاسم کے حوالے کیا جائے۔

مزید :

علاقائی -پنجاب -راولپنڈی -