پشاور،لوڈشیڈنگ کے ستائے لوگوں کا گرڈ سٹیشن پر قبضہ،مختلف علاقوں میں بجلی بند

پشاور،لوڈشیڈنگ کے ستائے لوگوں کا گرڈ سٹیشن پر قبضہ،مختلف علاقوں میں بجلی بند

پشاور(مانیٹرنگ ڈیسک) خیبرپختونخواہ کے مکینوں نے دلہ زاک روڈ پر واقع گرڈ سٹیشن پر قبضہ کرلیا اور دیگر علاقوں کی بجلی بھی معطل کردی ۔تفصیلات کے مطابق خیبرپختونخواہ کے بیشتر علاقوں میں 22,22گھنٹوں کی لوڈشیڈنگ کی جارہی ہے جس پر عوام کے صبر کا پیمانہ لبریزہوگیا اور دلہ زاک روڈ پر واقع گرڈ سٹیشن کا گھیراؤ کرلیا اور بعدمیں اکٹھے ہوکر دھاوابول دیا، عملے کو یرغمال بنا کر گرڈ سٹیشن پر قبضہ کر لیا اور اردگردکے علاقوں کی بجلی بند کردی جس کے بعد دلہ زاک روڈ، پہاڑی پورہ ، گلوزئی ، محمد زئی ، وڈپگہ اور گل بیلہ کے علاقوں کی بجلی معطل ہوگئی ۔ مظاہرین کاکہناتھاکہ صوبائی یا وفاقی حکومت کے اعلیٰ حکام سے مذاکرات ہونے تک وہ قبضہ نہیں چھوڑیں گے جبکہ پولیس طلب کرلی گئی ہے ۔

مزید : علاقائی