نئے پاکستان کی بنیاد رکھ دی , بہترین خیبر پختون خواہ بھی بنائیں گے:نوازشریف

نئے پاکستان کی بنیاد رکھ دی , بہترین خیبر پختون خواہ بھی بنائیں گے:نوازشریف
نئے پاکستان کی بنیاد رکھ دی , بہترین خیبر پختون خواہ بھی بنائیں گے:نوازشریف

  

پشاور(مانیٹرنگ ڈیسک)وزیراعظم نواز شریف نے کہاہے کہ آپ نیا پاکستان بنانا چاہتے ہیں تو میں نیا خیبر پختون خواہ دیکھنا چاہتاہوں ،نئے پاکستان کی بنیاد تو ہم رکھ رہے ہیں اور بہترین خیبر پختون خواہ بھی بنائیں گے ۔وزیراعظم نواز شریف نے ن لیگ کے ورکرز کنونشن سے خطاب کرتے ہوئے کہاکہ حکومت کو بنے ہوئے دو سال ہونے کو ہیں لیکن کے پی کے میں نئے پاکستان کی کوئی جھلک نظر آئی ۔نواز شریف کا کہناتھاکہ انہوں نے کبھی بھی کسی خلاف گندی زبان استعمال نہیں کی ،بہتان نہیں لگایا ہمیشہ صرف ملک اور عوام کی بات کی ہے ۔انہوں نے کہاکہ سب کو پتہ ہے نوازشریف جب بھی کوئی بات کرتاہے تو پوری کرتاہے ،سالوں سے لواری ٹنل نہیں بن سکی لیکن وعدہ کرتاہوں کہ ہم بنائیں گے لواری ٹنل ۔

انہوں نے کہاکہ 2013کے انتخابات میں پی ٹی آئی اور ن لیگ کے ووٹوں میں زیادہ فرق نہیں تھا ہم نے 8لاکھ ووٹ لیے اور پی ٹی آئی نے 10لاکھ 39ہزار ووٹ حاصل کیے ۔نوازشریف نے کہاکہ ہم ایک چاروں صوبوں کے لوگوں کو قریب لے کر آئیں گے تمام لوگو ایک دوسرے کے دلوں میں بسیں گے، سندھ خیبرپختون خواہ کے دل میں ،کے پی کے پنجاب کے دل میں اور پنجاب بلوچستان کے دل میں بسیں ہے ۔ان کا کہناتھاکہ لوگ جلد ہی پشاور سے کراچی موٹروے پر سفر کرنا پسند کریں گے اور پورے کے پی کے میں ایکسپریس ہائی وے کا جال بچھا دیں گے ۔

نوازشریف نے خطاب میں کہا کہ پاکستان میں فرقہ واریت کی کوئی گنجائش نہیں دہشتگردوں کو کیفر کردار تک پہنچا ئیں گے اور نوازشریف نے یہ کہہ کر اپنی تقریر کا اختتام کیا کہ وہ آئندہ کی تقریر آپ کے علاقوں میں آکر کر یںگے۔

مزید : قومی /اہم خبریں