حفیظ نے ایکشن درست کرلیا، ٹیسٹ کے لئے آمادہ

حفیظ نے ایکشن درست کرلیا، ٹیسٹ کے لئے آمادہ
حفیظ نے ایکشن درست کرلیا، ٹیسٹ کے لئے آمادہ

  

لاہور(ویب ڈیسک) محمد حفیظ بولنگ ایکشن درست کرنے کے بعد ٹیسٹ کیلئے آمادہ ہو گئے،ان کا کہنا ہے کہ پی سی بی بائیومکینک تجزیے کیلیے آئی سی سی سے کوئی بھی وقت لے کر بتا دے، میں مکمل طور پر تیار ہوں۔ یادرہے کہ آسٹریلیا اور نیوزی لینڈ میں جاری ورلڈ کپ سے کچھ عرصے قبل کونسل کی جانب سے مشکوک ایکشن والے بولرز کی پکڑ دھکڑ نے پاکستان کو2 بہترین آف اسپنرز سعید اجمل اور محمد حفیظ سے محروم کردیا تھا،اس سے نہ صرف گرین شرٹس کا کمبی نیشن متاثر کیا بلکہ یہ خلا پورا کرنے والا بھی کوئی پلیئر دستیاب نہ تھا۔ سعید میگا ایونٹ سے قبل کلین چٹ حاصل کرنے میں کامیاب ہو گئے مگر بورڈ نے اتنی جلدی انٹرنیشنل کرکٹ میں واپسی کا خطرہ مول نہیں لیا۔

 اب آل راو¿نڈر محمد حفیظ بھی خود پر لگا داغ دھونے کیلیے تیار ہیں،قومی ٹیم کے دورئہ یو اے ای کے دوران ان کی رپورٹ ہوئی تھی،آسٹریلیا سے ابتدائی سرکاری ٹیسٹ میں بھی ناکامی کے بعد آل راو¿نڈر پر انٹرنیشنل کرکٹ میں بولنگ جاری رکھنے کی پابندی عائد ہوگئی، محمد حفیظ نے اسے قسمت کا لکھا سمجھ کر قبول کرنے کے بجائے بہتری کی کوششوں کا آغاز کیا۔ بھارت میں غیر سرکاری ٹیسٹ میں انھیں کامیابی بھی مل گئی، پی سی بی نے آل راو¿نڈر کا ورلڈ کپ سے قبل سرکاری ٹیسٹ کرانے کا فیصلہ کیا تاہم حفیظ نیوزی لینڈ میں پریکٹس میچزکے دوران ہی فٹنس مسائل کا شکار ہو گئے، جس کے بعد ان کا بولنگ ٹیسٹ نہ صرف موخر ہوا بلکہ انھیں فوری طور پر وطن واپس بھی بھجوا دیا گیا۔

اب محمد حفیظ سمجھتے ہیں کہ مشکوک بولنگ ایکشن کا مسئلہ حل کرنے کا وقت آ گیا ہے، انھوں نے کہا کہ میں مکمل فٹ اور پچھلے ایک ماہ سے باقاعدہ ٹریننگ بھی جاری ہے، کسی بھی وقت آئی سی سی کو ٹیسٹ دینے کیلیے تیار ہیں، پی سی بی جب چاہے آئی سی سی سے ایکشن کے بائیو مکینک ٹیسٹ کیلیے وقت لے سکتا ہے۔ یاد رہے کہ حفیظ اگر ٹیسٹ میں ایک بار پھر ناکام رہے تو کرکٹ کی عالمی باڈی ان پر ایک سال کی بولنگ پابندی عائد کر دے گی۔

مزید : کھیل