پرویز خٹک کا ہیلی کاپٹر اتارنے کیلئے پی سی بی انڈر 13 ٹرائل رکوا دیئے گئے

پرویز خٹک کا ہیلی کاپٹر اتارنے کیلئے پی سی بی انڈر 13 ٹرائل رکوا دیئے گئے
پرویز خٹک کا ہیلی کاپٹر اتارنے کیلئے پی سی بی انڈر 13 ٹرائل رکوا دیئے گئے

  

ایبٹ آباد(ڈیلی پاکستان آن لائن ) ضلعی انتظامیہ نے وزیر اعلیٰ خیبر پختون خوا پرویز خٹک کا ہیلی کاپٹر اتارنے کے لئے پاکستان کرکٹ بورڈ کی جانب سے جاری انڈر 13 ٹرائل رکوا کر بچوں کو گراونڈ سے باہر نکال دیا۔

ایکسپریس نیوز کے مطابق ایبٹ آباد کرکٹ گراونڈ میں پی سی بی اندڑ 13 کرکٹ ٹرائل جاری تھے کہ ضلعی انتظامیہ نے پولیس کی بھاری نفری کی مدد سے گراونڈ میں پہنچ کر کھیل رکوا کر بچوں کو گراونڈ سے باہر نکال دیا۔ ایبٹ آباد انتظامیہ کا کہنا ہے کہ وزیر اطلاعات خیبر پختونخوا مشتاق غنی کی والدہ کے جنازے میں شرکت کے لئے وزیراعلیٰ خیبر پختونخوا پرویز خٹک اور چیرمین تحریک انصاف عمران خان نے آنا ہے اور ان کے ہیلی کاپٹرز کی لینڈنگ کے لئے گراونڈ کی پچ کو مختص کیا گیا ہے اس لئے کھیل رکوا کر بچوں کو گراونڈ سے نکالا گیا۔

دوسری جانب بچوں کے ساتھ آئے ان کے والدین کا کہنا تھا کہ بچوں کے مستقبل کے ساتھ اس طرح سے کھیلنے کا کسی کو کوئی حق نہیں پہنچتا اور ضلعی انتظامیہ کو ہیلی پیڈ کسی دوسری جگہ پر بنانا چاہیے تھا کیونکہ اس طرح سے نا صرف کرکٹ کو نقصان ہو گا بلکہ بچوں کا مورال بھی کم ہو گا۔

مزید :

پشاور -